Ерөнхий сайд ОУВС-ийн дэд тэргүүнийг хүлээн авч уулзав | News.MN

Ерөнхий сайд ОУВС-ийн дэд тэргүүнийг хүлээн авч уулзав

Хуучирсан мэдээ: 2018.06.08-нд нийтлэгдсэн

Ерөнхий сайд ОУВС-ийн дэд тэргүүнийг хүлээн авч уулзав

Монгол Улсын Ерөнхий сайд У.Хүрэлсүх Олон улсын валютын сангийн дэд тэргүүн Мицүхиро Фурусаваг хүлээн авч уулзлаа.

Монгол Улс эдийн засгийн хүндрэлтэй тулгарсан үед ОУВС, бусад банк, санхүүгийн байгууллага, түншлэгч орон хамтран “Өргөтгөсөн санхүүгийн хөтөлбөр” батлан хэрэгжүүлсэн нь үр дүнгээ өгч, эдийн засаг сэргэн, өсөлт нэмэгдэж байгааг Ерөнхий сайд тэмдэглэв.

Хөтөлбөрийн III шатны үнэлгээ амжилттай хийгдэж, ОУВС-ын Захирлуудын зөвлөлийн хурлаар дэмжигдсэн, дараагийн шатны үнэлгээний Ажлын хэсгийн дүгнэлт ч нааштай гарч байгаа болон ОУВС байнгын дэмжлэг, бодлогын зөвлөгөө үзүүлж байгаад талархлаа илэрхийллээ.

Хэдийгээр эдийн засаг өсч, макро эдийн засгийн үзүүлэлтүүд сайжирч байгаа ч сүүлийн гурван жил гаруй нэмээгүй байгаа төрийн албан хаагчид, үүний дотор төрийн үйлчилгээний албан хаагчдын цалин хөлсийг нэмэх асуудлыг зайлшгүй авч үзэх шаардлагатай байгаа. Үүнийг Засгийн газар, ОУВС-ын Ажлын хэсэгтэй хамтран судалж, шийдвэрлэх арга замуудыг тодорхойлох саналаа Ерөнхий сайд илэрхийлэв.

“Өргөтгөсөн санхүүжилтийн хөтөлбөр” хэрэгжиж, богино хугацаанд нааштай үр дүнгээ өгч байгаад баяртай байна гэдгээ ОУВС-ын дэд тэргүүн М.Фурусава хэллээ.

Гэхдээ түүхий эдийн экспорт, үнээс ихээхэн хамааралтай Монгол Улсын хувьд цаашид учирч болох эрсдэлээс сэргийлэх, хөтөлбөрийн хэрэгжилтийг эрчимжүүлэх нь чухал гэв. Мөн хөтөлбөрийн хүрээнд тохирсон бодлого, зорилтуудыг хэрэгжүүлж, үр дүнд хүргэхэд Монгол Улсын Ерөнхий сайдын манлайлал, бодлогын тууштай байдал ихээхэн хувь нэмэр оруулна” гэж тэмдэглэв хэмээн Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-06-08 66.181.160.67

Орос ах нар иргэн ирсэн , одоо та нар хэрэггүй ,, гээ биз.

Avatar

Зочин 2018-06-08 202.131.243.162

Шүүх засаглалыг бүрэн атгахын тулд дан өөрийн утсан хүүхэлдэй нарыг үндсэн Хуулийн цэцэд шахаж, Монгол улсын тусгаар тогтнол, эдийн засгийн аюулгүй байдлыг Орос, Хятадад зарахын тулд ШХАБ-д элсүүлэх гэж улайран зүтгэж буй жанхуу, жанхуугийн шивэртэй оймсонд мансуурсан ухна хүрэлсүх хоёрын эсрэг бүгд нэгдэн тэмцэж, жанхуу [Хориотой Үг], урвагч дүлзэн ухна хоёрыг үтэр түргэн огцруулья!!!

NewsMN Гар утасны хувилбар Татах
NEWS.mn

Мэдээллийн эх сурвалж