Татвар төлөгчдийн эрх ашгийг хамгаалах, тэдний оролцоог нэмэг­дүүлэх зорилготой  Татвар төлөгч­дийн эрх ашгийг хамгаалах нийгэм­лэг шинээр үүд, хаал­гаа нээлээ. Энэхүү нийгэмлэгт  татвар болон эдийн засгийн сал­барт олон жил ажилласан нэр хүнд бүхий 30 гаруй  эдийн засагч, хуульчид хамтран ажиллах аж. Тус нийгэмлэг нь манай улсын ний­гэм, эдийн засгийн амьдралд улс төрийн нөлөөлөл давамгайлж татва­рын тогтолцоо болон татва­рын төв­лөрсөн хөрөнгийг хуваарилах, хөн­гө­лөх, чөлөөлөхөд шударга бу­саар хандах явдал газар авч үүнийг дагаад татвар төлөгчдийн эрх ашиг нэлээд зөрчигдөж байгаа гэж үзэн энэ асуудлыг таслан зогсоож шинэчлэх зорилгоор байгуулагдсан байна. Татвар төлөгчдийн эрх аш­гийг хамгаалах нийгэмлэг нь дээрх асуудлуудтай холбоотойгоор иргэ­дэд татварын боловсрол олгох, мөн зарим татварын хууль тогтоом­жийг боловсронгуй болгох, татва­рыг цахим хэлбэрт оруулах зэрэг ажлыг одоогоор төлөвлөөд байгаа аж. Ингэснээр татварын тогтолцоо шудар­­га, нээлттэй болж иргэд, аж ахуйн нэгж байгууллагууд татвараа хяна­­даг болно гэж тэд үзэж байгаа юм. Түүнчлэн цаашид татвар төлөгч­дийн эрх ашгийг хамгаалах чиглэ­лээр төрөөс авч буй татварын эрх зүйн тогтолцоог шинэчлэх, татвар төлөгчдийн өмнө тулгарч байгаа бэрх­­­шээл, хэрэгцээ шаардлага болон тулгамдсан асуудлуудыг суд­­­лан танилцуулж, хууль эрх зүйн төсөл боловс­руулж УИХ, Зас­гийн газар яамдууд өргөн барьж шийдвэрлүүлэхээр төлөвлөжээ.