Майкрософт компанийг үүсгэн байгуулагч Билл Гейтс энэ жил америк даяар сургуулиа төгсч буй бүх коллежийн сурагчдад өөрийн унших дуртай номыг үнэгүй бэлэглэжээ.  

Энэ нь Шведийн эрдэмтэн Ханс Рослингийн бичсэн “Factfulness” гэдэг ном байв. Уг номны электрон хувилбар 14.99 ам.долларын үнэтэй ч сурагчид Геэйтсийн блог хуудсанд хандан, номыг үнэгүй татаж авч болох ажээ. 

Тэрбээр өнгөрсөн жил зохиогч Стивен Пинкерсийн “The Better Angels of our Nature” номыг уншихыг зөвлөж байсан ч энэ удаагийнх шиг үнэгүй татаж авах эрх бэлэглээгүй юм. Харин Рослингийн бичсэн энэхүү номыг хэдэнтээ магтаж байсан ба номонд уншихгүй өнгөрч болшгүй олон чухал санаанууд дэвшүүлсэн. Үүнийг олон хүн уншаасай гэсэндээ ийм шийдвэрт хүрснээ тайлбарлажээ.

Эх сурвалж:  Fortune