Арнольд Шварцнеггер тун удахгүй Мексикт ирж, шинэ кинонд тоглох гэж байна. Валенсиагаас мэдээлснээр "Last Stand" нэртэй Шварцнеггерийн шинэ киноны зураг авалт аравдугаар сард Шинэ Мексикийн Беленд эхлэх аж. Уг кинонд Барууны орчин үеийн амьдралын тухай өгүүлэх бөгөөд үйл явдлын хувьд Невада мужийн Лас Вегасын шоронгоос оргосон хоригдлууд Шинэ Мексикийн хил давахаар явж байгаа талаар гарах аж.

Калифорнийн амбан захирагч асан Шварцнеггерийн хувьд уг кино нь 2003 оны “Терминатор 3”-аас хойш гол дүрд нь тоглох гэж буй анхны кино юм. Ноён Шварцнеггер гэрийнхээ үйлчлэгч байсан эмэгтэйтэй амрагийн холбоотой байсан нь төдийгүй нууц хүүхэдтэй байсан нь өнгөрсөн тавдугаар сард мэдэгдэж, эл хэргээс болж эхнэр Мария Шрайвераасаа гэрлэлтээ цуцлуулахад хүрсэн билээ.