Оюутолгойн далд уурхайн бүтээн байгуулалтын санхүүжилтийн гэрээ буюу Дубайн гэрээний асуудлаар ‘Эрдэнэс Монгол’ компанийн гүйцэтгэх захирлаар Шийдлийн засгийн үед ажиллаж байсан Б.Бямбасайханыг АТГ-аас гэрчийн мэдүүлэг авахаар дуудаж баривчлаад хоёр сар өнгөрч байна. Түүний эрх зөрчигдөж байгаа талаар өнөөдөр /2018.06.07/ өмгөөлөгч Н.Цог 14.00 цагт мэдээлэл хийнэ гэсэн зар хэвлэлээр цацагдсан. Тэгвэл тодорхой шалтгааны улмаас өмгөөлөгч нь мэдээллээ цуцалжээ. Б.Бямбасайханыг өнгөрсөн дөрөвдүгээр сарын 1-ны Ням гаригт гэрчээр  мэдүүлэг авна хэмээн дуудаж ирүүлээд АТГ-аас баривчилсан байдаг. ШШБЕГ-ын харъяа 461 дүгээр ангид хоригдож байгаа Б.Бямбасайхан өнгөрсөн хоёр сард 13 кг туржээ. Түүний биеийн байдал сайнгүй байгааг эхнэр нь хэвлэлд өгсөн ярилцлагадаа дурдсан бий.

 Б.БАТ