“Олон улсын хүүхдийн эрхийг хамгаалах өдөр”-ийг тохиолдуулан Капитрон банк, Монголын хүүхдийн ордонтой хамтран “Хүүхдийн ертөнц 2018” гар зургийн улсын уралдааныг 2 дахь жилдээ амжилттай зохион байгууллаа.

Хүүхэд багачуудын дунд 56 дахь жилдээ уламжлал болон зохион байгуулагдаж буй “Хүүхдийн ертөнц 2018” уралдаанд 200-аад бүтээл ирснээс 150 бүтээлээр үзэсгэлэн гаргасан юм. Тус уралдаанд Улаанбаатар хот, Налайх, Багануур дүүргийн хүүхэд багачуудын бүтээлүүд оролцсон бөгөөд Сургуулийн өмнөх нас, бага нас, дунд нас, ахлах нас гэсэн насны ангиллаар бүтээлүүдийг шалгаруулсан.

Хүүхдийн баярын өдөр Монголын Хүүхдийн Ордны захирал Б.Цэнгэлмаа, Ардын боловсролын тэргүүний ажилтан, зургийн багш Д.Батбаяр, Капитрон банкны Бизнес хөгжлийн хэлтсийн захирал М.Баттулга нар авьяаслаг хүүхэд багачууддаа шагналыг нь гардуулан өгч, цаашдын хичээл сурлага, уран бүтээлд нь өндөр амжилтыг хүслээ.

Нийт 32 бүтээлийг байр эзлүүлэн шалгаруулж, шалгарсан хүүхдүүдэд гарын бэлэг болон хүүхэд бүрт 10’000 төгрөгийн дүнтэй хүүхдийн хадгаламж, мөн уралдаанд шалгарсан бүтээлийг нь картан дээр хэвлүүлэн ашиглах эрхийг зураач хүүхдүүддээ бэлэглэсэн.

Авьяаслаг хүүхдүүддээ барьсан бэлгүүд дундаас зурсан бүтээлийг нь төлбөрийн картанд нь буулгаж өгөх бэлэг нь багачууд болон эцэг эхчүүдэд хамгийн их таалагдсан онцгой бэлэг нь байсныг үйл ажиллагааны үеэр онцлон хэлж байлаа.

Сургуулийн өмнөх нас:

1-р байр “Хүүхдийн ордон” Д.Энхтуяа 230-р цэцэрлэг, 5 нас

2-р байр “Хүүхдийн ордон” О.Учрал “Жаргалан” цэцэрлэгийн бэлтгэл анги, 5 нас

3-р байр “Хүүхдийн ордон хөлөг онгоц”, Н.Сумира, 4 нас

1-4 дүгээр анги:

1-р байр “Ордон минь” Б.Маргад 7 сургууль, 1ё анги

2-р байр “Хүүхдийн шувуу” Н.Чингүүндорж 6-р сургууль, 3д анги, 8 нас

3-р байр “Хүүхдийн ордон” Б.Бат-Ертөнц 7-р сургууль, 3в анги

5-8 дугаар анги:

1-р байр “Миний мөрөөдлийн Монголын Хүүхдийн ордон” Ж.Баясгалан, 10 нас

2-р байр “Хүүхдийн ордон миний нүдээр” Б.Ундрам 14-р сургууль, 7б анги, 11нас

3-р байр “60 хүүхдийн мөрөөдлөөр би амьдарна” Г.Ганжаргал 1-р сургууль, 7 анги, 13 нас

9-12 дугаар анги:

1-р байр “Миний мэдэх хүүхдийн ордон” Б.Уранзаяа 97-р сургууль 11а анги, 16 нас

2-р байр “МХО-60 жил” Б.Амардалай, 15 нас

3-р байр “Миний мэдэх хүүхдийн ордон” Б.Урангүнж 97-р сургууль, 11а анги, 16 нас

Та бүхэн авьяаслаг хүүхдүүдийн маань бүтээлтэй танилцахыг хүсвэл

https://www.facebook.com/pg/CapitronBank/photos – ээс үзэж сонирхоно уу.

Авьяаслаг хүүхэд багачууддаа сурлага, уран бүтээлийн өндөр амжилтыг хүсье!