Засгийн газрын ээлжит хуралдаан өнөөдөр 14.00 цагт зарлагдаад байна. Энэ удаагийн хуралдаанаар иргэдийг хямд үнэтэй орон сууцаар хангахтай холбоотой асуудлыг хэлэлцэн шийдвэрлэх юм. Ингэхдээ Хүний хөгжлийн сангаас олгох нэг сая төгрөгөөр орон сууц авах хүсэлтээ илэрхийлсэн иргэдэд зориулсан журмын төслийг гаргахаар төлөвлөөд байгаа юм.

Мөн удаагийн хуралдаанаар тариаланчидтай холбоотой асуудлыг авч хэлэлцэх болжээ. Тухайлбал, энэ намар Засгийн газар тариаланчдаас хэдий хэмжээний улаан буудай худалдан авах. Нэг тонныг нь хэдэн төгрөгөөр үнэлж авах тухай ярих юм байна. Хүнс хөдөө аж ахуй, хөнгөн үйлдвэрийн сайдын яриагаар өнгөрсөн жилийн үнийн дүнгээ барих болов уу гэсэн чигтэй байна.