Хүүхдийн мөнгөнөөс болж ОУВС-ийн хөтөлбөр зогсох уу? | News.MN

Хүүхдийн мөнгөнөөс болж ОУВС-ийн хөтөлбөр зогсох уу?

VS

Хүүхдийн мөнгөнөөс болж ОУВС-ийн хөтөлбөр зогсох уу?

Засгийн газар болон Ерөнхийлөгчийн зүгээс хүүхдийн мөнгийг хүүхэд бүрт олгох эсвэл 80 хувьд нь олгох тогтоолын төсөл УИХ-д өргөн барьсан.  Өнгөрсөн долоо хоногт чуулганаар энэ асуудлыг хэлэлцэж, Засгийн газраас өргөн барьсан хүүхэд бүрт бус 80 хувьд олгох тогтоолыг баталсан юм. Энэ үеэр гишүүд хүүхэд бүрт олгоно, олгохгүй гэж маргасан. Ялангуяа, УИХ-ын гишүүн Ж.Мөнхбат, Сангийн сайд Ч.Хүрэлбаатар нар чуулганы танхимд хэрүүлийн алим шидэлцсэн. Тиймээс News агентлаг VS буландаа тэдний эсрэг, тэсрэг байр суурийг онцолж байна.

Ч.Хүрэлбаатар

Ж.Мөнхбат

УИХ хүүхдийн мөнгийг 80 хувьд нь олгох шийдвэрээ гаргачихлаа. Хамгийн гол нь мөнгөндөө байгаа юм биш. Жил хагасын өмнө Монгол Улсын гадаад өрийн төлөлтөд эрсдэл үүсэх нөхцөл байдал бий болж, хандив хүртэл цуглуулж байсан. Улмаар ОУВС-аас эдийн засгийн хүндрэлтэй нөхцөл байдлаа даван туулахад туслахыг хүссэн. ОУВС-гийн хөтөлбөрийн хүрээнд Дэлхийн банк, Азийн хөгжлийн банк тэргүүтэй олон улсын байгууллагууд, Япон, БНСУ, БНХАУ тэргүүтэй улсуудын хөнгөлөлттэй зээлүүд орж байгаа. Анх хөтөлбөрийг авахдаа Японы Жайка, Дэлхийн банк, Азийн хөгжлийн банктай хүүхдийн мөнгийг 60 хувьд буюу зөвхөн зорилтот бүлэгт олгохоор тохиролцож, бодлогын баримт бичгүүд дээр гарын үсэг зурсан байдаг. Өнөөдөр эдийн засгийн сэргэлт ажиглагдаж, зээлийн хүү бууж, эхнээсээ Монгол Улс өрнөөс салаад эхэлсэн байна. Энэ эерэг хандлагыг бид цаашдаа үргэлжлүүлэх шаардлагатай. Гэтэл хүүхдийн мөнгийг 100 хувьд нь олгох энэ санал ОУВС-ийн хөтөлбөрийг зогсоох эрсдэлд хүргэж байгаа юм. Хүүхдэд хайртай, хайргүй гэх асуудлыг сөхөж ярьсан. Гэхдээ бид улс орныхоо төлөө гэсэн том агуулгаар нь харж, асуудалд хандах хэрэгтэй.

Анх хүүхдийн мөнгийг нийт хүүхдийн 60 хувьд олгоно гэсэн шийдвэрийг Ч.Сайханбилэгийн Засгийн газар гаргаж байсан. МАН 2016 оны сонгуулийн мөрийн хөтөлбөртөө хүүхдийн мөнгийг бүх хүүхдэд олгоно гэж олонх болсон. Өнгөрсөн 2017 оны долдугаар сард Ж.Эрдэнэбатын Засгийн газар хүүхдийн мөнгийг ялгаварлахгүйгээр бүгдэд нь олгоно гэсэн шийдвэрийг гаргасан. Энэ шийдвэр төсвийн хууль зөрчсөн гэж үзээд тэр Засгийн газрыг огцруулж байсныг та бүхэн мэднэ. Өнөөдөр бол хүүхдийн мөнгийг 100 хувь олгох шаардлагагүй. Хүсэлт гаргасан бүх хүүхдэд өгөхөд л болох асуудал. Энэ мөнгө тухайн өрхөд хэрэгтэй гэж үзвэл авна гэсэн үг. Ингэснээр нийт хүүхдийн 85-90 хувьд нь хүүхдийн мөнгө олгох юм. Жишээлбэл, долдугаар сарын 1-нээс хүүхдийн мөнгийг бүх хүүхдэд олговол 12.9 тэрбум төгрөг шаардлагатай гэж Ерөнхийлөгчийн Тамгын газрын дарга З.Энхболд хэлсэн. анай Засгийн газрын үед нөхцөл байдал өөр байсан. Одоо бол нийт хүүхдийн 20 хувийг нь орхичихож байна. Манай Засгийн газрын үед ОУВС-тай яриа хэлэлцээ эхлүүлэхэд хэцүү байсан. Эдийн засгийн үзүүлэлт хасах нэг хувь руу орчихсон байсан. Харин өнөөдөр бол өөр. Хэрэв ОУВС-ийн хөтөлбөр зогсох байсан бол яагаад 80 хувьд нь олгоё гэсэн шийдвэрийг өнөөдөр гаргаж байгаа юм. ОУВС “Танай Засгийн газрыг заавал албадахгүй. Та нар ерөнхий хэлэлцээрийнхээ хүрээнд явж болно” гэсэн. Тиймээс улс төр, эдийн засгийнхаа дотоод нөхцөлдөө тааруулаад шийдвэр гаргах боломж бүрэн байна.

"Болор дуран"-аар шалгав.

11 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2018-05-30 27.176.5.200

munkhbat shig uls torchtoi bsnaas gudamjnaas heniig ch oruulaad ajilluulahad iluu ajillana daa

Зочин 2018-05-30 27.176.5.200

munkhbat shig uls torchtoi bsnaas gudamjnaas heniig ch oruulaad ajilluulahad iluu ajillana daa

Зочин 2018-05-30 103.229.121.172

Маргалдахаа болж үз.Аюул 22 км ойртож ирээгүй л байна Аюулыг зогоох биш эргүүллж хөөсөн туршлаг,а түүхэнд байдаг.

hongor 2018-05-30 119.40.103.243

Munkhkbatiin Zasgiin gazar uuruu huuhdiin mungiig 60% bolgoson sh dee. Olon ulsiin baiguullaguudtai heleltseer hiij chadaagui baij odoo neeh baatar boloh geed> neg tohirch uguhgui bgaa yum daa\n

Зочин 2018-05-30 66.181.161.12

Ж.Мөнхбат огцорсон шарандаа олон долоон юм их хуцдаг болжээ. 100хувьд нь олгох боломжгүй шүү дээ. Шинэ Засгийн газар зөв замаар явж байгаа.

Зочин 2018-05-30 119.40.103.243

Энэ мөнхбат гэж бацаан одоо заавал сайд байх ёстой юу? Төрийн алба авсан шигээ өгч чадахгүй өөрийнхөө юмаа булаалгачихсан юм шиг яасан өширхүү амьтан бэ МАН энэ мэт [Хориотой Үг] төрийн ноён нуруугүй амьтдаасаа салах хэрэгтэй. зурагт харахаар л энэ нэг юм солиорч байх юм

Зочин 2018-05-30 202.72.245.220

ОГЦОРСОН НЬ ОГЦРУУЛСНААСАА ДЭЭРДЭХ ЮМГҮЙ БАЙСАН Ч ГЭСЭН СӨРӨГ ХҮЧИН БОЛЧИХООРОО АРГАГҮЙ ЗӨВ ЯРЬЖ БАЙНА, АМЬДРАЛ АЛБАН ТУШААЛЫН ТЭМЦЭЛ ИЙМ Л ХОРЖООНТОЙ ДОО

Зочин 2018-05-30 66.181.187.199

Эрдэнэбатын засгийн газрынг МАН-н мөрийн хөтөлбөрт хүүхдийн мөнгийгм 100 хувь олгоно гэсэн та нар 60 хувьд өглөө гээд огцруулсан шүү дээ.Одоо 80 хувьд өглөө гээд л яриад байна даа бас

Батнасан 2018-05-30 66.181.160.46

ӨС ХОНЗОН санахаас өөр зүйл хийж чадахгүй мөнхбатыг 2020 оноос өмнө зайлуулья.

Зочин 2018-05-30 202.131.230.114

Наад нэг яруу найрагч мал чинь яагаад баян айлын хүүхдүүдэд мөнгө өгөх гээд ингэж үхэн хатаад тэмцээд байгаа юм бэ. Баян айлууд нь хүртэл хэрэггүй гээд байхад. Дараагийн сонгуулиар зайлуул.

Зочин 2018-05-30 112.72.14.64

Улс төрч хүний нэг том шалгуур бол намын эв нэгдэл асуудалд хүлээзтэй хандах. Залуу гишүүн Ж. Мөнхбатад ялалт ялагдал ээлжлэн ирнэ. Гэтэл арай дэндүү хонзон өс санаад түүнийгээ мартаж чадахгүй тэнэгтээд байгааг ойлгохгүй байна. Номтойбаяр намын эв нэгдэлээ бодоод тогооноос тийм ч их халихгүй байна. Зөв улс төрийн ялагдал ялалтаар дуусна. Ж.Эрдэнэбатын засгийн газрын гишүүд дотроос Ж.Мөнхбат шиг ийм хөгийн новшийн зан гаргаж байгаа улс төрч алга. Ердөө өс хонзон өөрөө Ж.Мөнхбат тийм ариун этгээд биш.

NewsMN Гар утасны хувилбар Татах
NEWS.mn

Мэдээллийн эх сурвалж