Жүдо бөхийн дэлхийн аваргын татамид 48 кг-ын жинд барилдсан ОУХМ Б.Бат-Эрдэнэ эхний тойрогт хийлж, хоёрдугаар тойргийн барилдаанд Кубын жүдоч Местре Алварезид вазари үнэлгээгээр ялагдлаа.

Дэлхийн аварга шалгаруулах тэмцээний хуваарийн дагуу тэмцээний эхний өдөр буюу өнөөдөр эрэгтэйчүүдийн 60, 66, эмэгтэйчүүдийн 48 кг-ын жингийн барилдаан болох ба эдгээр жинд Монголын зургаан жүдоч зодоглож буй юм. Харамсалтай нь, жүдочид хоёрдугаар тойргийн барилдаанаа хийгээд буй энэ үед 66 кг-д хүч сорьж буй Монгол Улсын Хөдөлмөрийн баатар, Гавьяат тамирчин Х.Цагаанбаатараас бусад нь ялагдаад байна. 2009 оны дэлхийн аварга Х.Цагаанбаатарын тухайд эхний тойрогт Энэтхэгийн Манжеет Нандалыг, дараа нь БНХАУ-ын жүдоч Лью Ренванг цэвэр ялсан билээ. Одоо тэрбээр Гүржийн бөх Дэвид Асумбанитай барилдана.