Мэргэжлийн дугуйн Гранд тур ангиллын олон өдрийн 3 том уралдааны нэг болох Жиро д’Итали уралдааны 2018 оны тэмцээн болж өндөрлөлөө. Тэмцээний 21 дэх гараа өнгөрсөн ням гаригт Италийн нийслэл Ром хотноо 115 км замд болж Ирландын С.Беннетт 2 цаг 50 мин 49 сек-н амжилтаар тэргүүлсэн байна. С.Беннетт ийнхүү энэ жилийн Жиро д’Италиа уралдаанд 3 дахь гараандаа түрүүллээ.

Харин нэгдсэн дүнгээр Их Британий дугуйчин К.Фрүүм 89 цаг 02 мин 39 сек-н амжилтаар тэргүүлж байна. Ингэснээр К.Фрүүм Гранд тур зэрэглэлийн мэргэжлийн дугуйн хамгийн нэр хүнд бүхий 3 том уралдаан болох Тур де Франс, Вуэльта Испани болон Жиро д’Итали уралдаанд гурвууланд нь түрүүлсэн 7 дахь дугуйчин болж байгаа бол Их Британиас төрсөн анхны дугуйчин болж байна.

К.Фрүүмээс өмнө Гранд тур ангиллын мэргэжлийн дугуйн 3 том уралдаанд гурвууланд нь түрүүлж байсан дугуйчид:

1. Ж.Анкетиль (Франц): Тур де Франс 1957, 1961, 1962, 1963, 1964, Жиро д’Италиа 1960, 1964, Вуэльта Испаниа 1963
2. Б.Инол (Франц): Тур де Франс 1978, 1979, 1981, 1982, 1985, Жиро д’Италиа 1980, 1982, 1985, Вуэльта Испаниа 1978, 1983
3. Ф.Жимонди (Итали): Тур де Франс 1965, Жиро д’Италиа 1967, 1969, 1976, Вуэльта Испаниа 1968
4. В.Нибали (Итали): Тур де Франс 2014, Жиро д’Италиа 2013, 2016, Вуэльта Испаниа 2010
5. Э.Меркс (Бельги): Тур де Франс 1969, 1970, 1971, 1972, 1974, Жиро д’Италиа 1968, 1970, 1972, 1973, 1974, Вуэльта Испаниа 1973
6. А.Контадор (Испани): Тур де Франс 2007, 2009, Жиро д’Италиа 2008, 2015, Вуэльта Испаниа 2008, 2012, 2014
7. К.Фрүүм (Их Британи): Тур де Франс 2013, 2015, 2016, 2017, Жиро д’Италиа 2018, Вуэльта Испаниа 2017

Б.Бямбабаяр