Технологийн дэвшил болсон Iphone X, Pixel 2 гэх мэт ухаалаг утаснуудын араас бидний магадгүй кинон дээрээс л хардаг байсан голограм утасны эрин ирнэ гэвэл та итгэх үү?

Тэгвэл AT&T болон Verizon компани энэ жилийн сүүлээр голограм ухаалаг утас худалдаалж эхлэхээр болсон байна. “Устөрөгч нэг” /Red Hydrogen One/ нэртэй ухаалаг утас  нь  мэргэжлийн видео камер үйлдвэрлэгч RED компанийн үйлдвэрлэж буй анхны гар утас болж байна.

Учир нь энэ утас бусад бүтээгдэхүүнүүдээс ялгаатай нь ямар нэгэн шил ашиглахгүйгээр шууд голограм тусгал харуулж чадах ба тусгай гарын хөдөлгөөний тусламжтайгаар зургийг урд, хойно аль ч талаас нь үзэх боломжтой гэсэн үг юм. 5,7 инчийн дэлгэцтэй, Андроид үйлдлийн системтэй энэ утас хөнгөн цагаан загвар нь 1295 доллар, титан гадаргуутай нь 1595 ам. долларын үнэтэй хоёр хувилбартай худалдаанд гарах аж.

Компани цаашид утасны хөгжүүлэлтэд илүү их анхаарч шинэ шинэ зүйлүүдийг туршиж үзэхээр ажиллаж байгаа гэнэ.

Эх сурвалж: CNN

Т. ЗАНДАНМЯДАГ