Бостон Селтикс баг цувралын талбайдаа хийсэн тоглолтонд ялалт байгуулж чадаж байна. Тэд Дорнод бүсийн аваргын төлөөх эхний хоёр тоглолтоо талбайдаа хийж Л.Жеймсийн Кавсыг буулгаж авсан. Гэвч Кливленд Кавальерс багийн талбайд хийсэн цувралын 2 тоглолтонд хол онооны зөрүүгээр хожигдоод байсан. Харин талбайдаа хийсэн цувралын 5 дахь тоглолтонд 96-83 харьцаагаар ялалтж байгуулж цувралыг 3-2 болгон тэргүүллээ.

Өнөөдөр болсон тоглолтонд Бостон Селтикс баг эхнээсээ л онооны тэргүүллийг авсан бөгөөд тоглолтын турш илүү байсан. Талбайн эздээс Ж.Тэйтум 24 оноогоор багаа тэргүүлсэн бол А.Хорфорд 15 оноо, 12 самбар, Ж.Браун 17 оноо авсан. Мөн сэлгээнээс М.Моррис, М.Смарт нар тус бүр 13 оноо авсан байна. Харин тэдний өрсөлдөгч Кавсаас Л.Жеймс болон К.Лаув нараас бусад нь тун хангалтгүй тоглосон. Л.Жеймс 26 оноо, 10 самбар, К.Лаув 14 оноо авсан бол бусад гараа болон сэлгээний тоглогчдоос 10 оноо авсан тоглогч байсангүй. Л.Жеймс ажлаа хийдгээрээ хийж, зүтгэдгээрээ зүтгэсэн ч багийн бусад нөхөд нь хангалттай тус хүргээгүй нь ялагдал хүлээх гол шалтгаан боллоо.

Б.Бямбабаяр