Монгол Улс өнгөрсөн дөрөвдүгээр сард Шивээхүрэн-Сэхэ боомтоор 1.56 сая тонн нь нүүрс экспортолжээ. Энэ нь сүүлийн 26 жилийн хамгийн өндөр дүн юм байна.  Нарийнсухайтын бүлэг ордод олборлолт хийж буй компаниуд Шивээхүрэн-Сэхэ боомтоор нүүрсээ экспортолж байгаа юм. Тус боомтоор өдөрт 1500 автомашин нүүрс тээвэрлэн гарах боломжтой. Гэвч, өнөөдрийн байдлаар  боловч  750-850 тээврийн хэрэгсэл нэвтэрч байна.  Ерөнхий сайд У.Хүрэлсүх урд хөршид айлчлал хийх үеэрээ БНХАУ-ын талтай тохиролцсоны дагуу цайны завсарлагагүйгээр боомтоор нүүрс нэвтрүүлэхэд өдөрт 1403 автомашин гарч байсан талаар Шивээхүрэн боомтын захиргаанаас мэдээлжээ. Гол экспортлогч компаниудаас “SouthGobi Sands” ХХК-ийн хувьд оны эхний дөрвөн сар орчмын хугацаанд нэг сая орчим тонн нүүрс экспортолжээ. Тус компани хоёр сая тонн нүүрс баяжуулах хүчин чадалтай үйлдвэрээ байгуулсан бөгөөд энэ сард багтаан ашиглалтад оруулахаар төлөвлөж байгаа аж.

Б.БАТ