Шатрын насанд хүрэгчдийн улсын аварга шалгаруулах тэмцээн Архангай аймгийн Цэцэрлэг хотод эдгээр өдрүүдэд болж байна. Эрэгтэйчүүдийн 58, эмэгтэйчүүдийн 50 дахь удаагийн тэмцээнд шилдэг 24 шатарчин өрсөлдөж байгаа билээ.

Маргааш долоо, наймдугаар өргийн тоглолт болно. Зургаан өргийн дараах байдлаар эрэгтэйчүүдийг олон улсын мастер С.Билгүүн 5.0 оноотой тэргүүлж байгаа бол Дэлхийн шатрын холбооны мастер У.Насанжаргал, олон улсын мастер Н.Баттулга, Г.Мөнхгал нар 4.5 оноогоор удаах байрт бичигдэж байна.

Эмэгтэйчүүдээс олон улсын мастер, эмэгтэй Их мастер Б.Мөнгөнтуул 5.0 ганцаараа тэргүүлж эхэлсэн бол Дэлхийн шатрын холбооны мастер Э.Хулан, олон улсын мастер, эмэгтэй Их мастер Т.Батчимэг, дэлхийн шатрын холбооны эмэгтэй мастер Т.Мөнхзул нар 4.0 оноогоор удаалж байна.

Тэмцээн энэ сарын 27-ны өдөр өндөрлөж, улсын аварга шалгаруулах тэмцээний медальтнууд тодорно. Мөн энэхүү тэмцээнд өндөр амжилт үзүүлсэн шатарчид есдүгээр сарын 23-аас аравдугаар сарын 6-ны өдрүүдэд Гүржийн Батуми хотод болох дэлхийн шатрын олимпиадад оролцох эрхийг авах юм.

Тэмцээний талаарх дэлгэрэнгүй дүнг ЭНД-с харна уу. 

ДҮН: /6 өргийн дараах байдлаар/