ОХУ-ын Хабаровск хотноо өнгөрөгч долоо хоногт болсон ЗХУ-ын баатар Коротковын нэрэмжит Олон улсын “А” зэрэглэлийн тэмцээнд оролцсон Монголын боксын үндэсний шигшээ багийн тамирчид нэг алт, нэг хүрэл медальтай эх орондоо ирлээ. 

27 орны 200 гаруй боксчид оролцсон тус тэмцээний эрэгтэйчүүдийн 64 кг-ын жинд Б.Чинзориг алт, 69 кг-д спортын мастер М.Мягмаржаргал хүрэл медаль хүртжээ. 

Боксын үндэсний шигшээ баг, “Алдар” спорт хороо, ‘Монголын зэс’ корпарацын тамирчин, Армийн дэлхийн аварга Б.Чинзориг, Үндэсний шигшээ баг, “Ширэн бээлий” клубын тамирчин М.Мягмаржаргал нар Олон улсын боксын холбооноос зохион байгуулсан ‘А’ зэрэглэлийн тэмцээнд амжилттай оролцож, баг тамирчдынхаа медалийн буухиаг үргэлжлүүлэв. 

Монголын боксын залуучуудын шигшээ багийн төлөөлөл болсон боксчид эдгээр өдрүүдэд Казахстан улсад хамтарсан бэлтгэлийг хийж байгаа билээ.