АНУ-ын Хавайн аралд галт уулын дэлбэрэлт үргэлжилж, халуун лав урссаар эрэг дагуу оршин суугчдыг чиглэж байна. Килауэа галт  уулын дэлбэрэлт эхэлснээс хойш азаар хүн гэмтэж бэртээгүй байсан ч өчигдөр анхны тохиолдол бүртгэгджээ. Нони Фэрмс зам дагуу оршин суудаг эрэгтэй гурван давхрын тагтан дээрээ зогсч байгаад үсэрсэн халуун лаванд түлэгдэж гэмтжээ. Орон нутгийн албаныхны мэдээлснээр хохирогч эрэгтэй хөлөндөө хүнд түлэгдсэн гэнэ. Халуун лавын урсгалд олон айлын сууц, хэд хэдэн автомашин шатсан байна.

Килауэа галт уулын дэлбэрэлт тавдугаар сарын 3-нд эхэлсэн юм.

Эх сурвалж: Reuters

Б.ТУЯА