БНСУ-д ажиллаж, амьдардаг монгол залуу тус улсын “Оддын эрэлд” шоунд авьяас, чадвараа сорьж байна.

Монголын “Оддын эрэлд” шоутай төстэй “Супер Стар К3”-д гадаад, дотоодын нийлсэн хоёр сая орчим хүн оролцсоноос дөрөвдүгээр шат буюу шилдэг 150-д Сэргэлэнгийн Гантогоо гэгч монгол залуу шалгарч үлдээд байна. “Супер Стар К3”-ын оролцогч С.Гантогоо нь Өмнөд Солонгос улсад ажиллаж амьдардаг бөгөөд өмнө нь тэндхийн хэд хэдэн шоу тэмцээнд амжилттай  оролцож байсан аж. Тухайлбал, Өмнөд Солонгост оршин суугч гадаад иргэдийн дунд зохиогдсон дууны тэмцээнд оролцож, гуравдугаар байрт шалгарч байжээ. Мөн өмнө  нь эх орондоо байхдаа  “Оддын эрэлд 2” шоунд амжилттай оролцож, шилдэг дөрөвт мэргэжлийн сургуулийн  гурван өрсөлдөгчийн хамт тунан үлдэж байсан юм.

Видеог ЭНД дарж үзнэ үү.