“Улаанбаатар марафон 2018” олон улсын гүйлтэд зориулсан арга хэмжээ Сүхбаатарын талбайд болж байна. Спортын холбоод өнөөдрийн арга хэмжээнд идэвхтэй оролцож, иргэдэд үйл ажиллагаагаа танилцуулж байгаа билээ. 

Монголын бодибилдинг фитнессийн нэгдсэн холбооноос үзүүлэх тоглолтыг төв талбайд сонирхуулав. Сүүлийн жилүүдэд эрчимтэй хөгжиж буй тус холбооны үйл ажиллагааг олон нийтэд сурталчлан таниулж, бие бялдрын зөв хөгжлийг олон нийтэд таниулах үүднээс иргэдэд тусгайлсан тоглолтыг үзүүллээ.

Саяхан Монголд болсон бодибилдинг, фитнессийн Азийн аварга шалгаруулах тэмцээнд амжилттай оролцсон тамирчдын төлөөлөл болон өсвөрийн тамирчид бие бялдрын гоо зүйг харуулсан дасгалыг сонирхууллаа.