Сурагчдын зуны амралт ирэх зургадугаар сараас эхэлнэ. Тодруулбал, ерөнхий боловсролын сургуулийн нэг, хоёрдугаар ангийн сурагчид зургадугаар сарын 1-ний өдрөөс, 3-5-р ангийн сурагчид зургадугаар сарын 8-ны өдрөөс амрах юм байна. Харин  6-12 дугаар ангийн сурагчдын амралт зургадугаар сарын 15-ны өдрөөс тус, тус эхлэх аж.

Сурагчдын амралт эхлэх үед элсэлтийн ерөнхий шалгалт эхэлж, их дээд сургуулийн бүртгэлийн ажил явагдана. Элсэлтийн ерөнхий шалгалтыг улсын хэмжээнд зургадугаар сарын 16-20-ны өдрүүдэд авахаар болжээ.