“Malaysia Airlines” компанийн “Boeing 777-200” онгоц нислэг хийж явахдаа алга болсноос хойш багагүй хугацаа өнгөрсөн. Тэгвэл онгоцыг санаатайгаар устгасан байж магадгүй талаар  “9News” мэдээлсэн байна. Нисгэгч Саймон Харди нэгэн таамаглал дэвшүүлсэн нь,  багийн ахмад Захария Ахмад Шах энэ хэргийг санаатайгаар үйлдсэн байж болох талтай гэнэ. Тэрбээр  багийн ахмадыг санаатайгаар холбоогоо тасалсан гэж хардаж байгаа аж. Мөн  диспетчерүүдийг төөрөгдүүлэхийн тулд Малайз ба Тайландын хилийн дагуу нисч байсан гэж Харди дүгнэжээ. Онгоц сүйрэхийн өмнө нисгэгч өөрийн төрөлх хотынхоо дээгүүр нисээд дараа  нь далай руу нисчээ. Шах онгоцны шатахуун дуустал далай дээгүүр нисээд онгоцыг  сүйрүүлсэн гэж шинжээч мэдэгджээ.

Б.БАТ