32 настай америк бүсгүй Сьюзен Эман биеийнхээ жинг илүү ч үгүй дутуу ч үгүй яг нэг тонн хүргэхийг мөрөөдөж буй гэнэ. Үүнийхээ төлөө тэрбээр өөрийгөө таргалуулах төрөл бүрийн хоол хүнсээр байнга бордож байгаа бөгөөд одоогоор мөрөөдлийнхөө гуравны нэгд хүрээд байгаа юм. Сьюзены жин 330 кг. Хүссэн хэмжээгээр жингээ нэмэхийн тулд өдөрт хоол хүнснээс авч буй илчлэгийн хэмжээг 20 мянган калорий болгох ёстой аж. Уг нь Сьюзен манай гаригийн хамгийн хүнд жинтэй бүсгүй. Гэхдээ энэ амжилт нь түүнд хангалттай санагдахгүй байгаа бөгөөд өөр хэн нэг нь эвдэж чадахааргүй тийм хэмжээнд хүрч байж санаа нь амрах юм байх. Үүний тулд тодорхой төлөвлөгөө ч гаргасан гэнэ. Энэ төлөвлөгөөгөөрөө явахад 10 жилийн дараа бүсгүйн жин 700 кг болох ёстой. Сьюзенээс өмнө манай гаригийн хамгийн тарган бүсгүй 719 кг жинтэй Керол Ягер байжээ. Харамсалтай нь тэрбээр 34 настайдаа хорвоог орхисон юм. Тиймээс Сьюзен илүүдэл жингээс болж амиа алдахгүйн тулд эмчийн зөвлөгөө байнга авдаг гэнэ. Сьюзен Эман Америкт хангалттай алдар нэртэй бүсгүй. Тэрбээр хэт тарган хүмүүст зориулсан хувцас сурталчилдаг загвар өмсөгч юм.