Гүржид орших таван сая жилийн настай Арабика Массиф нэртэй ууланд том жижиг нийлсэн хэдэн зуун агуйн систем байдаг байна. Гүний хэмжээгээрээ ялгагдах эдгээр агуйн тав нь 1000 метрээс илүү гүнтэй бол Крубера агуйн гүн нь 2197 метрээр хэмжигдсэн нь одоогоор дэлхийн хамгийн том агуй юм. 

Крубера агуйн доторх нарийн хонгил мэт хоолой нь 200 метрийн гүнд хүрээд үндсэн болон салаа хоёр хонгилд хуваагддаг бөгөөд үндсэн хонгилын гүн нь дэлхийн хамгийн гүн агуйгаар тодроход хүргэжээ. Харин үлдсэн салаа хонгил нь 1293 метр үргэлжлээд зогсдог байна.