Гайхалтай цээл хоолойгоороо Монголын рок поп урлагт өөрийн орон зайг бий болгосон МУСТА, дуучин Б.Баярцэцэг өөрийн бүрэн хэмжээний “Нежность” тоглолтоо өнөөдөр орой буюу тавдугаар сарын 11-ний өдрийн 20.00 цагт Niciton Live Music Club-т толилуулахаар бэлэн болжээ.

Жилдээ ганцхан үдэш болдог, сонсогч фэнүүдийнх нь дунд хүсэн хүлээдэг болсон тус тоглолтон дээр сэтгэлд хоногшсон олон хит дуунууд эгшиглэх аж. Дуучны хэлснээр “Содон, зөөлөн, гал халуун” энэ тоглолтонд дурсамж хөглөж, сэтгэлд хоногшсон орос хит дуунууд, домогт диско хэмнэл цохилсон гайхамшигтай орой болох гэнэ.

Театр, дуу хосолсон энэхүү тоглолтод ОХУ-ын уран бүтээлчид уригдан оролцохоос гадна 80, 90-ээд оны сэтгэлд хоногшсон хит дуунуудыг амьд хөгжимтэй хослуулан хүргэх юм.

Энэхүү тоглолтын хамтран ажиллагчаар Соёл урлагийг дэмжигч Капитрон банк, Kindzmarauli, Кaif zone, Tengri брэнд ажилласан бол тоглолтын зохион байгуулагчаар “Bayartsetseg Music Enterprises”, “B sounds” зэрэг байгууллагууд хамтран ажиллажээ. Та бүхэн ганцхан орой эгшиглэх гайхалтай тоглолтонд хүрэлцэн ирж, амьд хөгжим, дурсамж хөглөсөн уянгалаг дуунд уяран саатаарай.