Талбайн теннисийн ээлжит цуврал тэмцээн Испаний Мадрид хотод болж байна. Мадридын нээлттэй тэмцээний эмэгтэйчүүдийн ганцаарчилсан төрлийн хагас шигшээд өрсөлдөх теннисчид өчигдөр /2018.05.10/ тодорлоо. Сонирхолтой нь Чехийн Каролина Плишкова, Петра Квитова, Францын К.Гарсиа, Нидерландын Кики Бертенс нар үлдлээ. 

Тус тэмцээнийг тэргүүлэн тоглосон Румын теннисчин Симона Халеп Чехийн Каролина Плишковад дийлдсэн бол ОХУ-ын Д.Касаткинаг мөн Петра Квитова хоёр үеийн турш буулган авч хагас шигшээд үлдсэн байна.

Мадридын нээлттэй тэмцээний онцлох тамирчин ОХУ-ын Мария Шарапова байсан юм. Шарапова Румын хоёр, Францын нэг теннисчинг хожиж, шөвгийн наймд үлдээд байсан. Тэрбээр дөрөвдүгээр тойрогт Нидерландын Кики Бертенст ялагдлаа. Энэ тоглолт 4:6, 6:2, 6:3 онооны харьцаагаар Бертенсийн ялалтаар өндөрлөсөн байна. Энэ жил 31 настай, дэлхийн чансааг тэргүүлж явсан Мария Шарапова сэргээшийн асуудлаас болж хэсэг хугацаанд засварлан талбайдаа эргэн ирсэн ч өндөр амжилтыг үзүүлж чадахгүй байна. 

Мадридын нээлттэй тэмцээний хагас шигшээ тоглолт өнөөдөр болж, шигшээд өрсөлдөх теннисчид тодорно.