Москва хотноо өнгөрсөн дөрөвдүгээр сарын 27-нд эхэлсэн “Московская весна A Сappella” фестивалийн үеэр 300 мянган ширхэг мөхөөлдөс худалдаад байна хэмээн зохион байгуулагчид РИА Новости-д мэдээллээ.

Энэхүү фестиваль нь Москва хотын захиргаанаас зохион байгуулж буй “Московские сезоны” арга хэмжээний хүрээнд зохион байгуулагдаж байгаа юм. Тавдугаар сарын 9 хүртэл үргэлжлэх “Московская весна A Cappella” фестиваль нь Москва хотын 61 талбайд зохион байгуулагдаж байгаа юм. Эдгээрийн зарим нь зориулалтын концертын талбай байгаа бол зарим нь байшингийн дээвэр, шат, балкон дээр хүртэл явагдаж байгаа ажээ.

Фестивальд 16 орны 180 хамтлаг оролцож байна. Тухайлбал, АНУ, Итали, Франц, Их Британийн хамтлаг иржээ. Фестивалийн ялагчийг тавдугаар сарын 7-нд тодруулна.

Эх сурвалж: РИА НОВОСТИ