НБА-н аварга Голден Стэйт баг плэй-оффын 2-р шатанд Нью-Орлеан Пеликанс багийн эсрэг талбайдаа хийсэн эхний хоёр тоглолтондоо ялалт байгууллаа. Өнөө өглөө болсон хоёр багийн цувралын 2 дахь тоглолтонд талбайн эзэн Голден Стэйт Уорриорз баг 121-116 харьцаагаар өрсөлдөгчөө буулгаж авсан байна.

Энэ өдөр багийн лидер С.Карри сэлгээнээс гарч тоглохдоо 28 оноо, 7 самбар, 2 дамжуулалт өгсөн байна. Мөн гараанд гарч тоглосон тоглогчдоос К.Дюрант 29 оноо, Д.Грийн 20 оноо, 12 дамжуулалт, А.Игуодала 15 оноо, К.Томпсон 10 оноо авч багаа ялалт байгуулахад чухал үүрэг гүйцэтгэжээ. Ялангуяа энэ өдөр хамгаалагч Д.Грийн трибль-дабли хийхэд ердөө ганц самбараас бөмбөг авалт дутсан юм. Харин зочдоос гараанд гарч тоглосон бүх тоглогчид нь бүгд 10-аас дээш оноо авсан ч баг нь ялалт байгуулж чадсангүй. Багийн лидер Э.Дэвис 25 оноо, 15 самбар, Ж.Холидэй 24 оноо, Р.Рондо 22 оноо, 12 дамжуулалт, Н.Мироич 18 оноо, Е.Муре 14 оноо авсан байна. Ямартаа ч цувралын 2 дахь тоглолтонд аваргуудтай тун боломжийн өрсөлдөөнийг үзүүлсэн Нью-Орлеан Пеликанс талбайдаа хийх 2 тоглолтоос ялалт авах итгэл найдвартай гэртээ буцаж байна.

Б.БЯМБАБАЯР