Плэй-оффын 2-р шатанд учраа таарсан Виннипег Жетс болон Нэшвилл Предаторс багуудын цувралын 3 дахь тоглолт өнөө өглөө боллоо. Хоёр багийн эхний хоёр тоглолт Нэшвилл Предаторс багийн талбайд болж цувралын харьцаа 1-1 болоод байсан юм.

Ингээд цувралын 3 дахь тоглолт болж талбайн эзэн Виннипег Жетс багийн ялалтаар өндөрлөсөн байна. Тоглолтын эхний үед зочин баг Нэшвилл Предаторс багийн бүрэн давамгайлал дор явагдаж зочид 3 гоол оруулсан. Харин тоглолтын 2 болон 3-р хагаст талбайн эзэн Виннипег Жетс баг гайхалтай эргэн ирэлт хийж 7 гоол оруулсан юм. Талбайн эздээс энэ өдөр багийн ахлагч Б.Уйлер болон Д.Бафлин нар тус бүр 2 гоол оруулсан бол П.Стастни, Й.Труда болон Б.Танев нар бүс бүр 1 гоол оруулснаар Виннипег Жетс баг өрсөлдөгчөө 7-4 харьцаатай хожиж цувралыг 2-1 болгож байна.

Б.БЯМБАБАЯР