Шөнийн цагаар такси нэрээр дээрэм хийдэг залуусыг баривчиллаа | News.MN

Шөнийн цагаар такси нэрээр дээрэм хийдэг залуусыг баривчиллаа

Хуучирсан мэдээ: 2018.04.30-нд нийтлэгдсэн

Шөнийн цагаар такси нэрээр дээрэм хийдэг залуусыг баривчиллаа

Шөнийн цагаар такси нэрээр дээрэм хийдэг залуусыг баривчиллаа

Нийслэлийн цагдаагийн газрын Хулгайн гэмт хэрэгтэй тэмцэх хэлтсийн алба хаагчид “Приус”машин хулгайлж, улсын дугаар, өнгө үзэмжийг өөрчилж зардаг бүлэг залуусыг илрүүлжээ. Тэдгээр залуус Авто тээврийн газарт тухайн машины улсын дугаарыг солиулж, авто засварын газарт өнгө үзэмжийг нь өөрчлөн, засварлаж цааш нь худалдаалдаг сүлжээ бий болсныг мөрдөн байцаалтын явцад тогтоогоод байна. Одоогоор 30 гаруй авто машиныг хулгайлсан нь тогтоогджээ.

Мөн шөнийн цагаар такси үйлчилгээ үзүүлэх нэрээр иргэдийг айлган сүрдүүлж, дээрэмддэг этгээдүүдийг баривчилжээ. Тодруулбал, “Тоёото приус” маркийн мөнгөлөг саарал өнгийн автомашинд суусан иргэдийг багажнаас хоёр этгээд гарч ирэн хутга тулгаж, эд зүйлийг нь дээрэмдсэн хэрэг гарсан аж. Тус гэмт этгээдүүдийг цагдаагийн алба хаагчид шуурхай илрүүлж 2018 оны дөрөвдүгээр сарын 20-ны өдөр баривчилжээ.

Эл хэргийг Улаанбаатар хотод оршин суух хаягтай, өмнө нь ял шийтгэл эдэлж байсан 21-25 насны И, Б, Э нарын бүлэг үйлдсэн байна. Иймд иргэдэд найдвартай таксигаар үйлчлүүлэхийг цагдаагийн байгууллагаас анхаарууллаа.

Э.Ариун 

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-04-30 202.179.24.172

Цагдаа нар ядаж автомашины улсын бүртгэл, дугаарыг шалгаж баймаар юм. Хэн жолоодож яваа нь ч бүр өнгөрсөн байх. Жолоочийн үнэмлэхийг нь үздэг юм уу. Даатгал дээр тэр хүний нэр байгаа юу. Улам л замбараагүй болоод байх юм даа. Зохицуулагч нарын ажлын арга барилыг сайжруулах юмсан

Avatar

Зочин 2018-04-30 66.181.180.12

ӨӨ ЗА ЗА АВТО ТЭЭВРИЙН ГАЗАР ОЧООД ХЭДИЙГ АВИЛГАЛД ӨГӨӨД ДУРААРАА ДУГААРЫГ НЬ ӨӨРЧЛҮҮЛЖ БОЛДОГ ЮМ БОЛ ?

Avatar

Зочин 2018-04-30 66.181.161.126

Sain bna. Tsagdaa nar uurgee ner tortei bieluuljee. Ertnii tuuhtei Mongol tsagdaa amjilt husii!

Avatar

Зочин 2018-04-30 122.201.25.46

Цагдаа ахаа найдвартай таксиг яаж мэдэх вэ.

Avatar

Зочин 2018-04-30 103.229.120.156

Шөнө цагдаа нар үлээлгэж байхын оронд бүх бичиг баримт машинд.нь бүрэн үзлэг хийж баймаар юм.

NewsMN Гар утасны хувилбар Татах
NEWS.mn

Мэдээллийн эх сурвалж