Испанийн Барселона хотноо талбайн теннисний АТР-н Барселоны нээлттэй тэмцээн болж өндөрлөлөө. Шороон гадаргуутай талбайд болдог тус тэмцээний шигшээд тус тэмцээний 10 удаагийн аварга, нутгийн тамирчин Р.Надал болон Грекийн 19 настай залуу тамирчин С.Циципас нар шалгарсан бөгөөд нэг цаг 17 минут үргэлжилсэн тоглолтонд Р.Надал өрсөлдөгчөө 6-2, 6-1 харьцаатай буулгаж авснаар тэмцээний аваргаар тодорлоо.

Р.Надалын хувьд энэ он гарсаар шороон гадаргуутай талбайд зохиогдож буй хоёр тэмцээнд оролцохдоо хоёуланд нь түрүүлж байна. Тэрээр хэдхэн хоногийн өмнө Монте-Карло мастерс тэмцээнд түрүүлээд байсан юм.

Б.БЯМБАБАЯР