Ажилгүйдлийн түвшин таван хувь байгаа нь түүхэн доод үзүүлэлт хэмээн ОХУ-ын Ерөнхий сайд Дмитрий Медведев “Россия1” телевизэд өгсөн ярилцлагадаа дурджээ. ОХУ-ын Засгийн газар улс орноо бараа бүтээгдэхүүнээр хангахыг хичээхийн зэрэгцээ ажлын байрыг хадгалахын төлөө чармайж байгааг онцолжээ. Олон улсын хөдөлмөрийн байгуууллагын аргачлалаа ажилгүйдлийн түвшин 6-7 хувьд эргэлдэж байсан бол одоо таван хувь руу буусныг онцлон тэмдэглэлээ.

“Ихэнх хөгжингүй оронд ажилгүйдэл 7-9 хувьтай байна. Бид эдийн засгаа илүү орчин үеийн өндөр технологийн ажлын байр бий болгох чиглэлд хөгжүүлэх бодлогыг хэрэгжүүлж байна. Эдгээр ажлын байр нь цалин хөлс өндөртэй” хэмээн Медведев онцолжээ.

Эх сурвалж: РИА НОВОСТИ