Цуврал алуурчныг 40 жилийн дараа баривчилжээ | News.MN

Цуврал алуурчныг 40 жилийн дараа баривчилжээ

Хуучирсан мэдээ: 2018.04.29-нд нийтлэгдсэн

Цуврал алуурчныг 40 жилийн дараа баривчилжээ

Цуврал алуурчныг 40 жилийн дараа баривчилжээ

АНУ-ын цагдаа нар 40 гаруй жилийн турш эрэн сурвалжилсан цуврал алуурчин, хүчирхийлэгчийг баривчилжээ. “Алтан мужийн алуурчин” гэж хочилдог эрэгтэйг хамгийн багадаа хүн амины 12 хэрэг, хүчирхийллийн 45 хэргийг үйлдсэнд сэжиглэж байна.

АНУ-ын Сакраменто хотоос Лос-Анжелес хүртэл Калифорни муж даяар 1970-аад оны эхнээс янз бүрээр хочлогдсон цуврал хүчирхийлэгч, алуурчин гарч ирэв. АНУ-ын мөрдөн шалгах албаныхан хохирогчдоос авсан ДНК-ын шинжилгээгээр хэргийг нэг хүн хийснийг  тогтоох хүртэл цуврал алуурчин гэж мэдээгүй байв. 23 настай эмэгтэй 1976 оны зургадугаар сарын 18-нд унталгын өрөөнд нь өмдөө шувталсан эрэгтэй зогсож байхыг харан сэржээ. Тэрбээр бүсгүйн хоёр гарыг бугуйгаар нь хүлж, амыг нь дарж, хутга тулган хүчирхийлсэн байна. Хэрэгтнийг явсны дараа бүсгүй 911-т дуудлага өгсөн аж. Тэрбээр хэрэгтний анхны хүчирхийллийн хохирогч байжээ. Гэмт хэрэгтэн дандаа гэртээ ганцаараа байгаа эмэгтэйчүүдийг онилж, хэрэг үйлдсэн байна.  Үүнээс гадна тэрбээр ээжийг нь галт тогооны өрөөнд нь түгжээд, 13 настай охиныг нь унтлагын өрөөнд хүчирхийлсэн байв. Гэмт хэрэгтэн ээжийнх нь гарыг хүлж, нуруун дээр таваг тавьж хэвтүүлээд “таваг хагарах чимээ гарвал охиных нь хурууг тайрна” гэж сүрдүүлжээ. Энэ мэтчилэн шил дараалан гарах хүчирхийлэл, хүн амины хэргээс болж Калифорни муж улс даяар айдас нөмөрч, айл бүр буу, бейсболын цохиурыг орны хажууд нуух болжээ.

АНУ-ын Калифорни муж улсад 1986 оны тавдугаар сарын 3-нд хохирогч Жанель Крузын эцэг, эх аяллаар явснаас тэрбээр гэртээ ганцаараа байжээ. Тэр шөнө 18 настай Жанель найзтайгаа хамт гэртээ байжээ. Гэвч найз нь шөнө дунд өнгөрсний дараа явснаар гэртээ ганцаараа үлдсэн байв. Маргааш өглөө нь үл хөдлөхийн зууч охиныг унтлагын өрөөндөө нүүр нь танигдахгүй болтлоо цусанд будагдаж, хоёр гар нь хүлээстэй, нас барсан байсныг олжээ. Охины үүдэн шүд нь хугарч, хүчирхийлүүлсэн байв. Гэрээс нь теннисын гуталны шороотой мөр олдсон ч  гэмт этгээдийг барьж чадаагүй аж. Охиныг хамгийн сүүлд харсан хүн нь түүний найз залуу байсан ч ДНК-ын шинжилгээгээр хүчирхийлэгч биш гэдэг нь тогтоогджээ. Охиноо аймшигтайгаар алдсанаас хойш Жанелийн ээж гэртээ ганцаараа үлдэхээс үргэлж айдастай байх болсон аж. Тухайн үед Жанелийг АНУ-ын түүхэн дэх хамгийн бусармаг цуврал алуурчны сүүлчийн хохирогч болсныг 20 гаран жил хэн ч мэдээгүй аж.

АНУ-ын Сакраменто хотын цагдаа нар дөрөвдүгээр сарын 25-нд 72 настай Жосеф Жеймс Де-Анжело гэгчийг цуврал хүчирхийлэл, хүн амины хэргээр баривчилжээ. Контра Коста дүүргийн мөрдөгч Пол Холс тэтгэвэртээ гарсан ч сайн дураараа үргэлжлүүлэн мөрдсөөр цуврал алуурчныг илрүүлсэн байна. Тэрбээр сураггүй алга болсон хүмүүс, хохирогчид болон тэдний гэр бүлийнхний нийт 800 мянга гаруй ДНК мэдээллийг цуглуулжээ. Жосеф Жеймс Де-Анжело нь Обюрн цагдаагийн хэсэгт ажиллаж байгаад 1979 онд дүрэм зөрчсөнөөр ажлаасаа халагджээ. Үүний дараа гэрлэж, охинтой болсон төдийгүй хүнсний сүлжээ дэлгүүрт 27 жилийн турш ачааны машины механикчаар ажиллажээ.

Эх сурвалж: ВВС

Б.ТУЯА

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

э 2018-04-29 43.228.131.45

хэнд хэрэгтэй гэж хогийн мэдээлэл бичдэг байна. боливол таарна. Аль болох эерэг мэдээлэл бичихэд яадаг байна.

Avatar

Зочин 2018-04-29 202.21.106.130

кино удахгүй хийх байх

Avatar

d 2018-04-29 73.45.152.11

kharin tiim, myy bukhend dontson galzuu uymiig ajillulldag gazar bna

Avatar

Иргэн 2018-04-29 66.181.183.110

Иймэрхүү мэдээ хэнд хэрэгтэй юм бол. Энэ сэтгүүлч нар дэлхий ертөнцөд али муу мэдээ байна түүнийг тавихаа болимоор юм . Үнэн худал нь мэдэгдэхгүй хүн зовоосон, машин мөргөлдсөн, хүн алсан а******н болгонтой мэдээг шүүрч авахаа болио. Манайд бид Хангалттай Стрестэй амьдарч байна. Саяхан Ийглээр Энэтхэгт ингэж охид хүүхэн хүчинддэг гээд бүхэл бүтэн нэвтрүүлэг явах шиг боллоо. Хэнд хэрэгтэй яах гэж иймэрхүү мэдээ гаргадаг байнаа.

Avatar

Зочин 2018-04-29 202.179.27.213

Монголд а******н хүчэрхийлэгч цөөдөөд байгаа юм байгаа биз. Дандаа л иймэрхүү хогийн юмыг ил болгодог болж, үүнийг манай тэнэгүүд дуурайгаад л.

NewsMN Гар утасны хувилбар Татах
NEWS.mn

Мэдээллийн эх сурвалж