Л.Одгэрэл Азийн спортын наадамд шүүгчээр ажиллана | News.MN

Л.Одгэрэл Азийн спортын наадамд шүүгчээр ажиллана

Хуучирсан мэдээ: 2018.04.27-нд нийтлэгдсэн

Азийн наадам 2018: Индонез

Л.Одгэрэл Азийн спортын наадамд шүүгчээр ажиллана

Л.Одгэрэл Азийн спортын наадамд шүүгчээр ажиллана

Азийн спортын 18 дахь удаагийн наадам ирэх наймдугаар сард Индонезийн Жакарта болон Палембанг хотуудад болох билээ. Тус наадмын спортын төрлүүдэд ажиллах шүүгчдийн нэрс тодорч эхэллээ.

Хүндийг өргөлтийн төрлийг анх удаа монгол эмэгтэй шүүгч дэнслэхээр болжээ. Тодруулбал, олон улсын нэгдүгээр зэргийн шүүгч Л.Одгэрэл юм. Түүний хувьд Монголын анхны эмэгтэй дасгалжуулагч, олон улсын медальтан, өнгөрсөн оны “Бөртэ-Чоно” наадмын эзэн гээд олон анхдагчын нэг билээ.

Сүхбаатар аймгийн БТСГ-т мэргэжилтнээр ажиллаж байснаас гадна өнгөрсөн оны арванхоёрдугаар сард АНУ-ын Анахeйм хотноо болсон ОУХӨХ-ны комисын гишүүдийг сонгох сонгууль явагдхад нэр дэвшиж, Олон улсын хүндийн өргөлтийн холбооны эмэгтэйчүүдийн зөвлөлийн гишүүнээр сонгогдон 2017-2020 онд ажиллахаар болсон юм.

 

Азийн спортын 18 дахь удаагийн наадам нь ирэх наймдугаар сарын 18-аас есдүгээр сарын 2-ны хооронд Индонeз Улсын нийслэл Жакарта хотод болох бөгөөд спортын 40 төрөлд 45 орны тамирчин өрсөлдөнө.

Харин хүндийн өргөлтийн төрөл эрэгтэй, эмэгтэй тус бүр долоон жинд наймдугаар сарын 20-26-ны өдрүүдэд болох аж.

Энэ жил хоёр чухал наадам зохион байгуулагдана. Түүний нэг нь энэхүү Азийн наадам бол нөгөөх нь “Boenus airus” залуучуудын олимпийн наадам юм.

Л.Одгэрэлийн хувьд үүний дараах зорилго нь мэдээж залуучуудын олимпийн наадамд шүүгчээр дахин сонгогдох билээ.

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-04-27 103.26.194.99

БАЯР ХҮРГЭЖ АМЖИЛТ ХҮСЬЕ

Avatar

Зочин 2018-04-27

Hhe..Buenos Aires

NewsMN Гар утасны хувилбар Татах
NEWS.mn

Мэдээллийн эх сурвалж