Бодибилдингийн насанд хүрэгчдийн Азийн аварга шалгаруулах 52 дахь удаагийн тэмцээн Улаанбаатар хотод эхэллээ. Энэ удаагийн тэмцээнд тивийн 44 орны 400 гаруй тамирчин оролцож байна. 

Азийн бодибилдинг, фитнессийн холбооны техникийн зөвлөгөөн өчигдөр болсон бол өнөөдөр конгресс хуралджээ.

Бодибилдингийн Азийн аварга шалгаруулах тэмцээн өнөөдөр фитнессийн тэмцээнээр эхэлсэн. Маргааш бодибилдингийн аваргууд тодорно.

Тив дэлхийн аварга шалгаруулах тэмцээнийг эх орондоо хүлээн авч зохион байгуулна гэдэг өндөр хариуцлага. Нөгөө талаар тухайн оронд энэ спорт хэр өндөр түвшинд хөгжсөн байгааг илтгэж байдаг. Энэ удаагийн тивийн аварга шалгаруулах тэмцээн Азийн орнуудын бодибилдингийн спорт сонирхогчдын дунд Монгол Улсын нэрийг өргөж өгөх ач холбогдолтой юм.

Азийн аварга шалгаруулах тэмцээний үеэр

• IFBB дэлхийн түвшин тогтоох тэмцээн
• IFBB мэргэжлийн тамирчдын түвшин тогтоох тэмцээн
• IFBB мэргэжлийн тамирчдын тэмцээн явагдаж, тамирчид хувийн чансаагаа ахиулна.

Тиймээс оролцогч орнууд, тамирчид ихээхэн ач холбогдол өгч байгаа юм байна.