Ерөнхийлөгч Х.Баттулга ОХУ-ын Ерөнхийлөгчийн бүрэн эрхт төлөөлөгч Ю.П.Трутневийг хүлээн авч уулзлаа | News.MN

Ерөнхийлөгч Х.Баттулга ОХУ-ын Ерөнхийлөгчийн бүрэн эрхт төлөөлөгч Ю.П.Трутневийг хүлээн авч уулзлаа

Хуучирсан мэдээ: 2018.04.27-нд нийтлэгдсэн

Ерөнхийлөгч Х.Баттулга ОХУ-ын Ерөнхийлөгчийн бүрэн эрхт төлөөлөгч Ю.П.Трутневийг хүлээн авч уулзлаа

Ерөнхийлөгч Х.Баттулга ОХУ-ын Ерөнхийлөгчийн бүрэн эрхт төлөөлөгч Ю.П.Трутневийг хүлээн авч уулзлаа

Монгол Улсын Ерөнхийлөгч Х.Баттулга ОХУ-ын Засгийн газрын орлогч дарга, Алс Дорнодын Холбооны тойрог дахь ОХУ-ын Ерөнхийлөгчийн бүрэн эрхт төлөөлөгч Ю.П.Трутневийг хүлээн авч уулзлаа

ОХУ-ын Засгийн газрын орлогч дарга, Алс Дорнодын Холбооны тойрог дахь ОХУ-ын Ерөнхийлөгчийн бүрэн эрхт төлөөлөгч Ю.П.Трутнев Монгол Улсын Ерөнхийлөгч Х.Баттулгын урилгаар Монгол Улсад зочлон ирээд байгаа юм. Ноён Ю.П.Трутнев өчигдөр Монгол Улсын Ерөнхий сайд У.Хүрэлсүх болон шадар сайд Ө.Энхтүвшинтэй уулзаж хоёр улсын болон бүс нутгийн хамтын ажиллагааны талаар ярилцсан бол өнөөдөр Монгол Улсын Ерөнхийлөгч Х.Баттулгад бараалхлаа.

Монгол Улсын Ерөнхийлөгч Х.Баттулга ОХУ-ын Засгийн газар шинээр байгуулагдах гэж байгаа энэ үед цаг зав гарган Монгол Улсад айлчилж байгаад нь талархлаа илэрхийлээд, уг айлчлал хоёр орны харилцаа, эдийн засгийн хамтын ажиллагаанд ихээхэн ач холбогдолтойг онцлон тэмдэглэлээ.

ОХУ-ын Засгийн газрын орлогч дарга, Алс Дорнодын Холбооны тойрог дахь ОХУ-ын Ерөнхийлөгчийн бүрэн эрхт төлөөлөгч Ю.П.Трутнев Монгол Улсын Ерөнхийлөгчийг урьсанд талархаж байгаагаа илэрхийлээд 2017 оны 9-дүгээр сард болсон Владивостокын эдийн засгийн форумын дараа хоёр улсын хамтын ажиллагааны хүрээнд ахиц гарч байгаа дурдлаа. Үүний нэг нь ОХУ-ын нутаг дэвсгэрээр дамжин өнгөрч байгаа Монголын ачаа тээвэрт 25 жилийн хугацаатай тарифын хөнгөлөлт үзүүлэх баримт бичиг бэлэн болсныг тухайлан ярьлаа. Мөн Монгол Улс ОХУ-ын нутаг дэвсгэрт, тэр дундаа Алс Дорнодод үйл ажиллагаа явуулахад бүх талаар дэмжихэд бэлэн байгаагаа илэрхийлээд татварын хөнгөлөлт үзүүлэх болон орон нутгийн засаг захиргааны зүгээс ч дэмжлэг үзүүлэх болно гэсэн юм.

Монгол Улсын Ерөнхийлөгч ойрын үед тус бүс нутаг руу Засгийн газар болон ЕТГ-ын хамтарсан, Гадаад хэргийн дэд сайдаар ахлуулсан ажлын хэсэг явуулах, энэ асуудлыг хариуцсан байнгын төлөөлөгч томилох гэх мэт бүс нутгийн эдийн засгийн хамтын ажиллагааг идэвхжүүлэх, төр засгийн түвшний уулзалт, хэлэлцээрүүдийг ажил хэрэг болгоход анхаарч ажиллах талаар саналаа илэрхийллээ.

Монгол Улс, ОХУ-ын хувьд бүс нутгийн эдийн засгийн хөгжлийн төлөө хамтран үр дүнтэй ажиллах боломжийн талаар талууд дэлгэрэнгүй санал солилцов.

Эх сурвалж: www.president.mn

9 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2018-04-27

Оросууд бидэнд итгэл алдсан. Өмнөх найрамдалт ах дүүгийн харилцаанд 90 оноос суусан сэв арилаагүй байна. Манайхан байнга худал хэлсээр сүүлдээ эдэнтэй яасан ч яахав, тэр янкуудаа дагаад хөгжихийг нь харъя гэсэн юм шиг хандах болж дээ.

Avatar

Зочин 2018-04-27 220.248.60.205

Орост монгол улс ямар ч ач холбогдолгүй улс болсон. Тагнуулын ЕГ-ын даргын хэлсэн үнэн: монгол улс мандана уу сөнөнө үү орост үнэндээ хамаагүй болсон гэж.

Avatar

Зочин 2018-04-27

Бие төлөөлөгч уулзсан нь их юм болж. Хөршүүдээ хамаагүй хэлж, ялж давхих нээрээ л хөгийн үр дагавартай болж байна шүү. Манай хүнигй Хятадууд тоох ч үгүй, Оросууд бие төлөөлөгч төдийд харах болсон. Урьд нь ямар байлаа даа.

Avatar

Зочин 2018-04-27 66.181.161.32

Бие телеелегчтэй уулзахаас хэтэрдэггvй ээ!! Урдаас бvvр телеелегчийн сураг ч алга!! Хоер хершийгее хамаагvй ялж, шал арчиж ,бут цохиж болохгvй юм бн гэдгийг манай еронхийлогчvvд мэдмээр юм шиг ээ!!

Avatar

Зочин 2018-04-27 103.10.23.223

сонгуулиар хакердаж гаргаж ирсэн хадам ахдаа МЭНД ХҮРГЭЭД ухаан алга. ОРОС НАЦИСТЫН БАНДААШ [Хориотой Үг] орк мал энэ суудалд удаан суух тусам Монгол улсын гадаад харилцаа мухардалд орж тэр бүх хор хохирлыг Монголын ард түмэн л үүрэх болно!!! Мөнхийн 2 их хөрштэйгээ харилцан ашигтай, ухаалаг байх гадаад бодлого хэрэгтэй болохоос Орос руу хэт навсагнаж, Хятадыг харааж доромжилдог эрүүл солиотой нь мэдэгдэхгүй жанхуугийн гадаад бодлого бидэнд хэрэггүй!!!

Avatar

Зочин 2018-04-27 59.153.87.13

түүхэнд орос улс манай түүхэн хөршөө. хятад ч манай хөрш. тэдэнтэй асуудлаа тавиад шударга хамтран ажиллах ,энэ харилцаануудад намчирхалгүй эргэлт гаргах ёстой. өмнөх ерөнхийлөгч нар тэгж чадаагүй. энэ ерөнхийлөгч хятадтай оростой ч адил тэнцүү ач холбогдол өгч аль алиных нь дэмжлэгийг авч ажиллах ёстой. оросуудыг орхисон оросууд манайхыг хаясан асуудал энэ 30 д жилд болж өнгөрлөө.түүнээс оросоос илүү монголын эрх ашиг хохирно. элбэгдорж орос путинтай харилцаж чадаагүй. энэ бол түүний хариуцлагагүй алдаа. батүүл оросын нөлөөнд орохгүй ч гэх шиг [Хориотой Үг] юм бичиж байна. батүүл юу бэ? орос монгол ард түмний харилцааг харлуулах бус хөгжүүлэх ёстой.харилцаанд гарч байсан алдаа захиргаадалтын нийгмийн өөрийн мөн чанараас болсон болохоос орос хүн орос даргаас хамаараагүй.

Avatar

зочин 2018-04-27 117.102.187.40

Орос Америк Европын орнууд цагаан арьстангууд ш дээ. Бид Азийн улсууд бүгд шар арьстай. Америкуудыг Азийнхантай хэрхэн харьцаж байгааг бас хараарай. Харин ч манайхан мундаг,орос, америкуудын аргыг нь сайн олж байгаа.

Avatar

Зочин 2018-04-27 202.131.242.254

Оросууд манайхантай уулзахдаа цаанаа л нэг ихэмсэг гэдгэр.

Avatar

Зочин 2018-04-27 66.181.187.139

Daalgavraa avaa yu?

NewsMN Гар утасны хувилбар Татах
NEWS.mn

Мэдээллийн эх сурвалж