Монгол Улсад генерал цол бий болсны 74 жилийн ойн өдөр тохиож байна | News.MN

Монгол Улсад генерал цол бий болсны 74 жилийн ойн өдөр тохиож байна

Хуучирсан мэдээ: 2018.04.27-нд нийтлэгдсэн

Монгол Улсад генерал цол бий болсны 74 жилийн ойн өдөр тохиож байна

Монгол Улсад генерал цол бий болсны 74 жилийн ойн өдөр тохиож байна

Одоогоос 74 жилийн өмнө буюу 1944 оны дөрөвдүгээр сарын 28-ны өдөр БНМАУ-ын Ардын сайд нарын Зөвлөлийн тогтоолоор  цэргийн гарамгай 11 зүтгэлтэнд генерал хэмээх цэргийн дээд цол олгосон түүхтэй билээ. Тиймээс жил бүрийн энэ өдрийг “Генералуудын өдөр” болгон тэмдэглэж, алтан мөрдэстэй генералууддаа тусгай чиг үүрэгтэй байгууллагууд ээлжлэн хүндэтгэл үзүүлдэг уламжлал тогтсон билээ.

Генералуудад хүндэтгэл үзүүлэх арга хэмжээ өнөөдөр 11:00 цагаас Чингисийн хөшөөнд цэцэг өргөснөөр эхэлнэ.

Монгол Улсын хэмжээнд зэвсэгт хүчин, цагдаа, онцгой байдал, тагнуул, хилийн цэрэг, шүүхийн шийдвэр гүйцэтгэх зэрэг хүчний байгууллагууд энэ өдрийг ээлжлэн зохион байгуулдаг. Энэ жилийн арга хэмжээг Шүүхийн шийдвэр гүйцэтгэх ерөнхий газраас зохион байгуулах юм.

Онцгой байдлын байгууллагаас хурандаа генерал С.Равдан, хошууч генерал Ч.Мижид, хошууч генерал Э.Цэрэндорж, хошууч генерал Д.Лхагвасүрэн, дэслэгч генерал Ч.Түмэндэмбэрэл, хошууч генерал Г.Махбариад, О.Отгонжаргал, хошууч генерал П.Сүндэв, хошууч генерал П.Даш, хошууч генерал Л.Гарамжил, хошууч генерал  О.Үржин,  хошууч генерал Т.Бадрал, бригадын генерал Г.Ариунбуян нарын алтан мөрдөст генерал цолтнууд төрөн гарсан юм.

Монгол Улсад генерал цол бий болсны түүхт 74 жилийн ойг тохиолдуулан Онцгой байдлын байгууллагын нийт бие бүрэлдэхүүний өмнөөс алтан мөрдөст генералууддаа болон тэдний гэр бүл, үр хүүхэд, төрөл төрөгсдөд нь  эрүүл энх, сайн сайхан бүхнийг хүсэн ерөөе гэж Онцгой байдлын ерөнхий газраас мэдээллээ.

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Ичиж амьдар , генералууд аа. 2018-04-27 27.123.214.121

Манай төрийн энэ цэргийн болон хууль сахиулах байгууллагууд харьяа цэргийн анги, хилийн застав, цагдаагийн хэсэг, хорих анги, тагнуулын тасаг, онцгой байдлын салбарууддаа ажил үүргээ хэвийн явуулахад олигтой мөнгө хуваарилж чадахгүй байж татвар төлөгчдийн мөнгөөр жил бүр ээлжлэн Генералын баяр тэмдэглэдэгээ болимоор юм. Тэгээд ч саяхан 4 ч генерал цолоо хураалгаж шившигээ хутгаж байхад ширэн нүүрлэчихээд байх юм. Сая гаргасан Ерөнхий командлагчийн шийдвэр маш зөв шудрага шийдвэр байсан.Муусайн ихэмсэг юмнуудын сүр сүлдийг ингэж гутаах хэрэгтэй. Хатанбаатар Магсаржаваас өөр цэргийн суут жанжин сүүлийн 100 жилд төрөөгүй.Бусад Оросын цэргийн жанжинуудын далбаан дор л байлдсан.

Avatar

Зочин 2018-04-27 103.9.90.130

Ерөнхийлөгч П.Даш эрүүгийн хэрэг үйлдэж, шүүхээр шийтгэгдсэн тул зохих журмын дагуу генерал цолыг нь хураасан байгааг ОБЕГ мэдсэн л баймаар юм.
Олон түмэн шударга шийдвэр гэж Ерөнхийлөгчээ дэмжиж байгаа ш дээ,

Avatar

545454545 2018-04-27 103.9.90.50

бүү донгос

NewsMN Гар утасны хувилбар Татах
NEWS.mn

Мэдээллийн эх сурвалж