Жанжин Д.Сүхбаатарын нэрэмжит чөлөөт бөхийн өсвөр үеийн олон хотын тэмцээн өчигдөр Сэлэнгэ аймгийн төв Сүхбаатар хотод эхэллээ. Монголын чөлөөт бөхийн үе үеийн олон шилдэг тамирчид амжилтын гараагаа эхлүүлсэн 41 дэх удаагийн уламжлалт тэмцээнийг Сэлэнгэ аймгийн ЗДТГ, Монгол ардын нам, Биеийн тамир спортын газар, чөлөөт бөхийн холбоо хамтран зохион байгуулж байгаа юм. Тэмцээнд хот, хөдөөгийн 24 байгууллагын 395 тамирчин хөвгүүдийн 13, охидын долоо, нийт 20 жинд хурд, хүч, авхаалж самбаагаа сорин өрсөлдөж байгаа бөгөөд маргааш өндөрлөнө.

Эх сурвалж: МОНГОЛЫН ЧӨЛӨӨТ БӨХИЙН ХОЛБОО