Торонто Мейпл Лифс цувралыг тэнцүүллээ | News.MN

Торонто Мейпл Лифс цувралыг тэнцүүллээ

Хуучирсан мэдээ: 2018.04.24-нд нийтлэгдсэн

Торонто Мейпл Лифс цувралыг тэнцүүллээ

Торонто Мейпл Лифс цувралыг тэнцүүллээ

Цувралын 6 дахь тоглолтонд заавал хожих даалгавартай талбайд гарсан Торонто Мейпл Лифс баг талбайдаа Бостон Брюинс багийг 3-1 харьцаатай болгож цувралын харьцааг 3-3 болгон тэнцүүлж чадлаа. Өнөө өглөө болсон цувралын 6 дахь тоглолтонд М.Марнер болон хаалгач Ф.Андерсен нар талбайд шилдэг тоглолтоо үзүүлж багийнхаа ялалтанд голлох үүрэг гүйцэтгэсэн байна. Хаалгач Ф.Андерсен 33 цохилтын 32-г нь хаасан.

Тоглолтын эхний үед гоол ороогүй бөгөөд 2-р үе дөнгөж эхлээд зочин баг Бостон Брюинс багийн рүүки тоглогч Ж.ДеБраск гоол оруулж зочид тэргүүлж эхэлсэн. Гэхдээ зочдын тэргүүлэл минут ч болж чадаагүй бөгөөд эхний гоолоос мннут ч хүрэхгүй хугацааны дараа В.Нюландер тэнцээний гоолыг оруулсан. Үүнээс хойш талбайн эзэн М.Марнерын шоу эхлэж тоглолтын 2-р үеийн 14 дэх минутанд багийнхаа тэргүүллийг гоолыг оруулж, шийдвэрлэх 3-р үед Т.Плеканецэд гоолын дамжуулалт өгсөн. Ингээд тоглолтын цаг өндөрлөхөд Торонто Мейпл Лифс баг 3-1 харьцаатай Бостон Брюинс багийг буулгаж авлаа. Одоо хоёр багийн цуврлаын 7 дахь тоглолт нөгөөдөр Бостон Брюинс багийн талбайд болно.

Б.БЯМБАБАЯР

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

Lord 2018-04-24 65.49.68.202

Agch navchnuud mundag bna shuu!Yavan changarch bga yum shig l sanagdax yum.

NewsMN Гар утасны хувилбар Татах
NEWS.mn

Мэдээллийн эх сурвалж