БНАСАУ-ын “Хаврын баяр” олон улсын урлагийн их наадам энэ сарын 10-17-нд болсон. Уг наадам нь 31 дэх жилдээ болж байгаа бөгөөд наадамд оролцсон Цэргийн дуу, бүжгийн Эрдмийн чуулгын (ЦДБЭЧ) уран бүтээлчид Гран при авчээ.

Урлагийн наадамд 23 орны 600 гаруй шилдэг уран бүтээлчид оролцсон гэнэ. Тэдэнтэй Монгол улсын гавьяат жүжигчин Ч.Баярмаа, Б.Батбаатар, дуучин Б.Нарантунгалаг, Б.Амаржаргал зэрэг ЦДБЭЧ-ын уран бүтээлчид өрсөлдөж БНАСАУ-ын дуунаас гадна ‘Монголын өглөө’, ‘Тагтаа’, ‘Монголын тал нутаг’ зэрэг монгол дуугаар оролцжээ.  Ийнхүү зургаан алт, мөнгөн цом авч, оролцогчдоос чансаагаараа ялгарснаар Гран при авчээ.

Сонирхуулахад, энэ жил Монгол Улс, БНАСАУ-тай дипломат харилцаа тогтоосны 70 жилийн ой тохиож байгаа билээ.

                                Р.Ренчиндулам