3,423.28
Үрэлгэн оддыг тодруулахдаа тэдний сүүлийн жилүүдийн орлого хийгээд зарлагыг харьцуулсан байна. Мөн хэн хаанаас юу худалдаж авсныг ч дуулгажээ.
1. 29 настай дуучин бүсгүй олсон мөнгөө салхинд хийсгэх чамгүй "авьяастай" нэгэн. Тэрбээр Лондонд ердөө ганцхан цагийн дотор 32 мянган доллар үрэхдээ үнэтэй цайтай юу ч худалдаж аваагүй, юухан хээхэнд зараад дууссан гэдэг. Түүний нөхөр реппер Жей Зи ч үнэт эдлэлээр эхнэрээ ёстой л нэг булдаг эр. Тийм байтал Биоэнсе нэг удаа зугаалахаар гараад сэтгэлээ сэргээхийн тулд 36 мянган долларын үнэтэй алмаазан шигтгээтэй бөгж худалдаж авч байсан юм. Дуучин бүсгүй хайртай нөхрийнхөө 41 насны төрсөн өдөрт хоёр сая гаруй "ногоон"-ы үнэтэй "Bugatti Veyron Grand Sport" спорт машин бэлэглэжээ. Харамсалтай нь Жей Зид тэнгэрт хадсан үнэтэй энэ унаагаараа салхи татуулан давхих цаг зав тун ч хомс учраас ердөө тоотой хэдхэн удаа л унасан гэж байгаа. Энэ бүгд Биоэнсед үрэлгэн оддын жагсаалтыг тэргүүлэх боломж олгосон гэнэ.
2. Телевизийн шоу нэвтрүүлгээрээ чамгүй их орлого олдог Опра Уинфри хэсэгхэн оруулгыг нь гараар хийсэн хэмээн рекламдсан нэгэн онгоцыг 42 сая доллараар худалдаж авсан. Мөн хайртай нохойныхоо хөргийг 20 мянгаар бүтээлгэсэн гээд гайхаж хачирхмаар зүйлд мөнгөө үрэх дуртай нэгэн.
3. "Харри Потер" киноны гол дүрийн жүжигчин Дэниэл Редклифф хэдийгээр онгоц, үнэтэй бөгж худалдаж авдаггүй ч элдэв хачирхалтай зүйлд мөнгөө үрэх дуртай. Нисч буй эрвэйхэйг дүрсэлсэн Дэмиан Херстийн зураг, хэзээ хэрэглэхээ ч мэдэхгүй зузаан дэвсгэр авахад хэдэн мянган доллар зарлагадаж байсан гэнэ.
4. Бекхэмийн гэр бүл ч мөн л үрэлгэнчүүдийн эгнээнд бичигдсэн. Дэвид, Виктория хоёр Малибуд наран шарлагын газарт сарын 150 мянгаар байшин түрээсэлдэг. Хамгийн хачирхалтай нь энэ байшингаас холгүй тэдний хувийн ганган харш байсаар байтал шүү дээ.
5. Жонни Деппийг энэ жагсаалтад 3.6 саяар авсан хувийн арал нь багтаасан байна.
