Энэтхэг Улсын Гадаад харилцааны сайд Сушма Свараж энэ сарын 24-26 Монгол Улсад айлчлах талаар тус улсаас Монгол Улсад суугаа Элчин сайд Суреш Бабуг өнөөдөр /2018.4.23/ мэдээлэл хийлээ.

Монгол Улсын Гадаад харилцааны сайд Д.Цогтбаатарын урилгаар Энэтхэгийн Гадаад харилцааны сайд Сушма Свараж нь Монголд айлчилж байгаа бөгөөд энэ нь 42 жилийн дараа Энэтхэг Улсын Гадаад харилцааны сайд Монголд айлчилж буй үйл явдал болох юм.  Айлчлалын үеэр Гадаад харилцааны сайд Гадаад харилцааны сайд Сушма Свараж Энэтхэг болон Монголын хамтарсан зөвлөлдөх хорооны VI дугуй ширээний уулзалтад оролцох гэнэ. Уулзалтаар улс төр, эдийн засаг, стратеги, боловсрол болон соёлын харилцааны асуудлыг хөндөн ярилцах ажээ. Хамтарсан зөвлөлдөх хороо нь хамгийн сүүлд 2016 онд болж байжээ.

Түүнчлэн Энэтхэг Улсын Гадаад харилцааны сайд Сушма Свараж айлчлалынхаа үеэр Бакула Ринбүчигийн зуун жилийн ойн арга хэмжээнд оролцож, үг хэлэх юм байна. Бакуда Ринбочи нь Энэтхэг улсаас Монгол Улсад хамгийн удаан суусан Элчин сайд бөгөөд түүний Монгол, Энэтхэгийн харилцаанд томоохон үүрэг гүйцэтгэсэн юм.  

Бакула Ринбүчигийн зуун жилийн ойн арга хэмжээ дөрөвдүгээр сарын 25-нд Сorporate convention center-д 16.30 цагт болох бөгөөд олон нийтэд нээлттэй байх юм байна. 

Р.Ренчиндулам