Улаанбаатар хотын замын түгжрэлийг бууруулах зорилгоор Замын цагдаагийн уулзварт гүүрэн гарц барих ажил үргэлжилж буй. Үүнтэй холбогдуулан нийт найман түр зам барьж, ашиглалтад оруулахаар болсон. Гэвч түр замын уулзвар нь төмөр замтай огтлолцож байгаа учраас дахин түр байгуулсан таван замыг хааж, төмөр замтай огтлолцох  хэсэг дээр дохиолол, холбоо, эрчим хүч, аюулгүй байдлыг хангах чиглэлээр төмөр замын ажилчидтай хамтран ажиллаж байгаа юм байна. Тиймээс түр замуудыг маргааш буюу дөрөвдүгээр сарын 23-ны 05.00 цагаас эхлэн нээхээр бэлтгэл ажлаа хангажээ.

Гүүрэн гарцыг анх 2.5 жилд барихаар төлөвлөж байсныг компаниудтай нь ярьж байгаад 1.6 жилд барьж дуусгахаар ажиллаж байгаа юм.

Э.БУРАМ