“Дэлхийн номын өдөр” энэ сарын 20-25-нд тохиож байгаа. Үүнтэй холбоотойгоор “Бид номонд дуртай” өдөрлөг өчигдөр /2018.4.20/ болсноор “Дэлхийн номын өдөр”-т зориулсан арга хэмжээнүүд цуварч байна. Тухайлбал,Улаанбаатар хотод үйл ажиллагаа явуулж буй нийтийн бүх номын санд даваа гаригт буюу энэ сарын 23-нд уншигчийн карт үнэ төлбөргүй нээнэ.
Мөн “Интер ном” номын их дэлгүүр энэ сарын 21-23-нд Улаанбаатар дахь салбарууддаа бүх номоо 10-60 хувь хямдруулаад байна. Харин “Аз хур” номын их дэлгүүр энэ амралтын өдрөөр буюу дөрөвдүгээр сарын 21, 22-нд 50 шинэ номоо 50 хувь, бусад номоо 10-30 хувийн хямдралтай худалдаалж байна.
Р.Ренчиндулам