Сонин содон зүйлд дуртай бельгичүүдээр овоглосон нэгэн шинэ амжилт Гиннесийн номд багтжээ. Тус улсын Кнокке гэж амралт зугаалгын хотын нэгэн баарны ажилтнууд дэлхийн хамгийн том аяганд “Мохито” коктейль найруулсан байна. Тэд “Мохито”-гоо хоёр метр өндөртэй, 1.6 метр диаметртэй зургаан талт аяганд найруулахад нийтдээ 2,011 мянган литр болжээ. Бельгичүүдээс өмнө италичууд хамгийн их буюу 1.3 мянган литр “Мохито” найруулсан амжилтаараа Гиннесийн номд бичигдсэн байсан юм.

Кноккегийн эл коктейлээс хүссэн хүн бүхэн таван евро төлөөд нэг аягыг амтлах боломжтой байжээ. Харин үлдсэнийг нь лонхонд савлаад худалдсан бөгөөд эндээс олсон бүх орлогоо орлого багатай залуу гэр бүлүүдийг дэмжихэд зориулан хандивлахаар тооцоолжээ.