Ажлын хэсэг байгуулах тухай тогтоолыг хэлэлцэв | News.MN

Ажлын хэсэг байгуулах тухай тогтоолыг хэлэлцэв

Хуучирсан мэдээ: 2018.04.20-нд нийтлэгдсэн

Ажлын хэсэг байгуулах тухай тогтоолыг хэлэлцэв

Ажлын хэсэг байгуулах тухай тогтоолыг хэлэлцэв

Улсын Их Хурлын Төрийн байгуулалтын байнгын хороо өнөөдөр үдээс хойш хуралдаж, Ажлын хэсэг байгуулах тухай Байнгын хорооны тогтоолуудыг хэлэлцэж баталлаа.

УИХ-ын гишүүн Д.Гантулгыг бүрэн эрхээс нь түдгэлзүүлж өгөх хүсэлтийг Прокуророос УИХ-д хандан тавьсан. Уг санал нь Үндсэн хуулийн Цэцээс хүчингүй болгосон УИХ-ын тухай хуулийн 6.9-т үндэслэсэн учир хуульд өөрчлөлт оруулж байж саналыг хэлэлцэх шаардлага үүсээд байгаа.

Иймд Улсын Их Хурлын чуулганы өчигдрийн нэгдсэн хуралдаанаар Улсын Их Хурлын гишүүн Д.Лүндээжанцангийн санаачлан боловсруулсан Монгол Улсын Их Хурлын тухай хуульд нэмэлт, өөрчлөлт оруулах тухай хуулийн төслийн үзэл баримтлалыг хэлэлцэхийг дэмжиж, төслийг анхны хэлэлцүүлэгт бэлтгүүлэхээр тус Байнгын хороонд шилжүүлсэн.

Монгол Улсын Үндсэн хуулийн зохицуулалт хэрэгжих нөхцөлийг бүрдүүлж, Улсын Их Хурлын гишүүний халдашгүй байдлын дэд хорооноос гарах шийдвэрийг тодорхой болгох үндэслэл, шаардлагад нийцүүлэн боловсруулсан уг хуулийн төслийг Байнгын хорооны болон нэгдсэн хуралдаанаар хэлэлцүүлэх бэлтгэл хангах, санал, дүгнэлтийн төсөл боловсруулах үүрэг бүхий Ажлын хэсэг байгуулах тухай тогтоолын төслийг Байнгын хорооны өнөөдрийн хуралдаанаар хэлэлцэж баталлаа.

Ажлын хэсгийг Улсын Их Хурлын гишүүн Д.Хаянхярваа ахалж, бүрэлдэхүүнд нь Улсын Их Хурлын гишүүн О.Баасанхүү, Ц.Нямдорж, Н.Энхболд, Д.Эрдэнэбат нар ажиллахаар болов.

Мөн тус Байнгын хорооны энэ сарын 18-ны өдрийн хуралдаанаар Монгол Улсын Засгийн газрын 2016-2020 оны үйл ажиллагааны хөтөлбөрийн хэрэгжилтийг хэлэлцээд гишүүдийн саналын дагуу Ажлын хэсэг гаргаж ажиллуулах нь зүйтэй гэж үзсэн. Энэ үндсэн дээр Монгол Улсын Засгийн газрын 2016-2020 оны үйл ажиллагааны хөтөлбөрийн хэрэгжилтэд дүн шинжилгээ хийж, Засгийн газарт өгөх чиглэлийн төсөл боловсруулах үүрэг бүхий Ажлын хэсгийг Улсын Их Хурлын гишүүн С.Бямбацогтоор ахлуулан Улсын Их Хурлын гишүүн Н.Амарзаяа, Б.Жавхлан, Д.Тогтохсүрэн, О.Содбилэг нарын бүрэлдэхүүнтэй байгуулж ажиллуулахаар Байнгын хорооны тогтоол баталлаа.

Түүнчлэн Ажлын хэсэгт мэргэжил, арга зүйн туслалцаа үзүүлэх ажлын дэд хэсгийг байгуулав.

Монгол Улсын Засгийн газрын 2016-2020 оны үйл ажиллагааны хөтөлбөрийн хэрэгжилтэд дүн шинжилгээ хийж, Засгийн газарт өгөх чиглэлийн төслийг боловсруулан 2018 оны 5 дугаар сарын 01-ны өдөр Байнгын хорооны хуралдаанд танилцуулахыг Ажлын хэсэгт даалгасан байна гэж Улсын Их Хурлын Хэвлэл мэдээлэл, олон нийттэй харилцах хэлтэс мэдээлэв. 

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

ats 2018-04-20 203.91.115.38

uhsen atsnuud boojgoondoo diildsen holduusnuud araasaa bitgii mongoliin zaluu uyiig daguulaad baigaarai Unen ba zow nam geh met zow huuhduud bol odoohondoo baina

Avatar

Зочин 2018-04-20 64.119.22.192

ок

Avatar

иргэдээс 2018-04-20 64.119.22.192

бандаж турсик ярьж цаг алдмааргүй байна хөгжил яримаар байна ард түмнийхээ амьдралыг дээшлүүлэх цалин тэтгэвэрийг нэмэх талаар яриаар байна, мөн хүүхдийн мөнгийг хүүхэд бүртээ олгох талаар яримаар байна, ипотекийн зээлийн хүүг бууруулах зээлээ төлөөд байхад үндсэн зээл нь буурдаггүй энэ тогтолцооны талаар яримаар байна боловсрол муутай ард түмнийхээ төлөө дуугардаггүй хүмүүсийг дахин сонгомооргүй байна

Avatar

Зочин 2018-04-20 64.119.22.192

2016-2020 оны МАН-ын мөрийн хөтөлбөрт мөн ЗГ-ын мөрийн хөтөлбөрт ахмадын тэтгэвэрийг үе шаттай нэмэгдүүлнэ гэж орсон байгаа энэ амлалтаа биелүүлмээр байна 4 жил талдаа орчлоо, хэдэн сарын дараа 2019 он гарлаа 20 он бол үндсэндээ сонгуулийн жил ингээд бодхоор хугацаа бага үлдлээ, нийт хүн амын тал хувь болсон ахмадуудынхаа тэтгэвэрийг амласнаараа үе шаттай нэмчвэл 20 онд сонгуулийн үр дүн гайгүй байж болхийн

Avatar

zochin 2018-04-20 210.160.35.61

gemt heregt holbogdson uchraas prokuror sanal tabisan bga. Hereg hiicheed baihad n yunda huuli ,nam n hamgaalaad bna. Hudlaa tsag abch nobsh tsarailaad ymarch ulger durailalgui. Niigem bohir zabaanuudaa zailuulahiig shaardaad bga bizde. Dontoi gishuunee yund n tolgoig n ileed bdag yum be.uih eersdiigee hereg hiisen sh suuj bdag huuli batalsan bol bureldhuuneeree ogtsor

Avatar

Зочин 2018-04-20 66.181.161.46

Эсгий хийх шазар нохой хэрэггүй гэж Амарзаяа юучив дээ. Энэ хүн УИХ-ын гишүүн болчихдог гэцүү ч нийгэм юмаадаа

NewsMN Гар утасны хувилбар Татах
NEWS.mn

Мэдээллийн эх сурвалж