Эдийн засгийн өсөлт 5.1 хувьд хүрсэн нь эерэгээр нөлөөлж, Монголын компаниудын тоо 2018 оны эхний гурван сарын байдлаар 7700-аар нэмэгджээ.   Шинээр байгуулагдсан 7700 компанийн  85.5 хувь нь 0-9 ажилтантай, 50-иас дээш ажилтантай компаниуд 3.1 хувийг эзэлж байгааг Үндсэний статистикийн хорооны судалгаанд бичжээ.

Энэ оны гуравдугаар сарын байдлаар дотоодод 158.8 мянган аж ахуйн нэгж, байгууллага бүртгэлтэй байгаагийн 51 хувь нь үйл ажиллагаагаа явуулж байна. Бүртгэлтэй аж ахуйн нэгж, байгууллагын тоо 2015 оноос хойш 26.4 хувиар өсжээ. Гэхдээ үйл ажиллагаа явуулаагүй аж ахуйн нэгжийн тoo мөн адил 27.4 хувиар өссөн байна. Үйл ажиллагаа явуулаагүй аж ахуйн нэгж, байгууллагын тоо 2017 оны эхний гурван сарын байдлаар 49.6 хувьд хүрч өссөн нь сүүлийн дөрвөн жил дэх хамгийн муу үзүүлэлт юм.

Б.БАТ