Мехикогийн олимпт гар зургаа илгээсэн иргэдийг холбогдохыг хүсэв | News.MN

Мехикогийн олимпт гар зургаа илгээсэн иргэдийг холбогдохыг хүсэв

Хуучирсан мэдээ: 2018.04.20-нд нийтлэгдсэн

Мехикогийн олимпт гар зургаа илгээсэн иргэдийг холбогдохыг хүсэв

Мехикогийн олимпт гар зургаа илгээсэн иргэдийг холбогдохыг хүсэв

1968 оны Мехикогийн зуны XIX Олимпийн наадмаас Монголын тамирчид (Монгол Улсын Гавьяат Тамирчин, Хөдөлмөрийн баатар, үндэсний бөхийн Дархан аварга Ж.Мөнхбат мөнгөн медаль, Ардын багш, гавьяат тамирчин Ч.Дамдиншарав, Ардын багш, Гавьяат тамирчин Д.Сэрээтэр, гавьяат тамирчин Т.Артаг нар хүрэл медаль) анх удаагаа олимпийн медаль хүртэж, бидэнд мартагдашгүй дурсамжийг үлдээсэн билээ.

Мексикийн Засгийн газар 1968 оны зуны XIX Олимпийн наадмын үеэр “Дэлхийн нөхөрлөл” зургийн үзэсгэлэн зохион байгуулсан бөгөөд орон орны хүүхдүүдээс ирүүлсэн зургийн үзэсгэлэнд монгол хүүхдүүд мөн зурсан зургуудаа явуулсан байна.

2018 онд болж буй XIX Олимпийн наадмын 50 жилийн ойг тохиолдуулан Мексикийн Засгийн газар “50 жилийн дараах дэлхийн нөхөрлөл“ арга хэмжээг зохион байгуулахаар төлөвлөж байгааг мэдээлж уг зургийн үзэсгэлэнд зургаа илгээж байсан монгол хүүхдүүдтэй холбоо тогтоох хүсэлтэй байгаагаа илэрхийлжээ.

Доорхи зургийг зурсан иргэд, тэдний гэр бүл, таньж мэдэх хүмүүс ГХЯ-ны Гадаад сурталчилгаа, соёлын харилцааны газартай холбогдохыг хүсье.

Эх сурвалж: ГХЯ

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-04-20 66.181.165.102

Энэ зургийг зурсан хүн тэгвэл 63 настай хүн болж таарах нь.

NewsMN Гар утасны хувилбар Татах
NEWS.mn

Мэдээллийн эх сурвалж