Свазиланд улсынхаа нэрийг өөрчлөв | News.MN

Свазиланд улсынхаа нэрийг өөрчлөв

Хуучирсан мэдээ: 2018.04.20-нд нийтлэгдсэн

Свазиланд улсынхаа нэрийг өөрчлөв

Свазиланд улсынхаа нэрийг өөрчлөв

Дэлхий дээрх хаант засаглалтай цөөхөн орны нэг Свазиландын хаан Мсвати III улсынхаа нэрийг өөрчилсөн гэнэ.

Свазиландын хаан Мсвати III лхагва гаригт (2018.04.18) Свази улсын тусгаар тогтносны 50 жилийн ойн баярын өдөр улсынхаа нэрийг Эсватини болгож өөрчилснөө зарлажээ. Энэ өдөр мөн Эсватини улсынхаа эзэн хаан Мсватигийн 50 насны ойг тэмдэглэсэн байна.

Эсватини гэдэг нь “Свазичуудын газар нутаг” гэсэн утгатай үг гэнэ.  Мсвати III улсынхаа нэрийг Эсватини болгон өөрчлөх тухай олон жилийн өмнөөс ярьж байсан ч энэхүү өөрчлөлт гэнэтийн шийдвэр байжээ.

Мсвати III энэ нэрийг 2017 онд НҮБ-ын Ерөнхий Ассамблейн чуулганд үг хэлэхдээ, мөн 2014 онд улсынхаа парламентын нээлтэд мөн анх дурдаж байсан гэнэ.

Улсынхаа нэрийг өөрчлөх болсон тухайгаа Мсвати III тайлбарлахдаа “Манай улсын нэрийг гадаад улс орнууд Швейцартай байнга андуурдаг” гэжээ.

Харин Свазиландын улсын зарим иргэд улсын нэрийг өөрчилсөнд дургүйцэн, шүүмжилж, улсын нэрэнд биш, харин доройтсон эдийн засагтаа илүү анхаарал хандуулах ёстой гэж үзэж байгаа гэнэ.

Свазиландын эрх баригчдыг улс төрийн олон намыг зөвшөөрдөггүй, эмэгтэйчүүдийг хүйсээр ялгаварлан гадуурхдаг үзэл дэлгэрсэн зэрэг олон асуудлаас болж олон улсын хүний эрхийн байгууллагууд шүүмжилж ирсэн юм.

Свазиландын хэмжээгүй эрх хаан Собуза II тус улсыг 82 жил удирдсан ажээ. Түүний хүү, одоогийн хаан Мсвати III албан ёсны 15 эхнэртэй гэнэ. Харин түүний эцгийн намтарт 125 эхнэртэй байсан тухай бичсэн байдаг.

Эх сурвалж: BBC

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Манайх ч гэсэн 2018-04-20 83.86.75.235

Бас өөрсдийгөө Архалх, эсвэл Хүннү гэж нэрлэх хэрэгтэй. Монгол гэдэг нэр их муухай. Мангу мэнгү гэсэн хятад үг шүү дээ. Тэрний оронд ядаж л Иргэн улс ч гэдэг юмуу. Халх улс гэсэн нь дээр байхдаа.

Avatar

Зочин 2018-04-20 124.158.109.140

Хятадыг дундад иргэн улс гэдэг дээ…

Avatar

Хогонбек 2018-04-20 112.72.14.163

Оросууд л Казахстан гэдэг болохоос уг нь монголоор Хасаг улс, Хасаг үндэстэн юм шүү дээ. . Түүнтэй адил Киргизстан гэж оросуудыг дууриалгүй Хиргис улс, хиргис үндэстэн гэж ярьж бичиж заншваас зохино. Япон гэхгүй Ниппон гэх нь зөв юм аа. Тухайн улс орныг ч монгол хэлээ ч хүндлэхгүй ороёууд тэгж нэрлэдэг гэсэн утгаар хандаж болохгүй мэт.

Avatar

Зочин 2018-04-20 89.204.137.181

Зөвөө зөв. Америк европ тэргүүтэй колончлогчид очсон улс болгоноо өөрсдийнхөөрөө нэрлээд заваараад байдгаас болж байгаа юм. Одоо зарим улс орон өөрмдийнхөө нэрийг буцаагаад хэрэглэж байгаа. Жишээ нь: Бирм гэдгээ болиод Мянмар болсон. Энэтхэгт.англичууд Бомбэй гэснийг буцаагаад Мумбай хот болгосон. Шриланка бас Коломбо гэсэн европ нэрнээс татгалзсан. Энэ мэтчилэн Тайланд бас нэрээ соливол таарна. Бас гималайн оргил жомолунма гэдэг нэрийг эвэрэст гэж нэрлэхээ бас болимоор бн. Манай уулын оргил дээр нэг европ нь дээр үед авирч гараад бас нэр өгөөд нэрлээд байвал ямар санагдах вэ! Үүнтэй адил тэр олон стан улс бас хасвал таарна. Узбек туркмэн казах гээд л болоо.

NewsMN Гар утасны хувилбар Татах
NEWS.mn

Мэдээллийн эх сурвалж