Нийслэлийн эрхзүйн байдлын тухай хуулийн шинэчилсэн найруулгын хэлэлцүүлгийг зохион байгууллаа | News.MN

Нийслэлийн эрхзүйн байдлын тухай хуулийн шинэчилсэн найруулгын хэлэлцүүлгийг зохион байгууллаа

Хуучирсан мэдээ: 2018.04.19-нд нийтлэгдсэн

Нийслэлийн эрхзүйн байдлын тухай хуулийн шинэчилсэн найруулгын хэлэлцүүлгийг зохион байгууллаа

Нийслэлийн эрхзүйн байдлын тухай хуулийн шинэчилсэн найруулгын хэлэлцүүлгийг зохион байгууллаа

Нийслэлийн эрх зүйн байдлын тухай хуулийн шинэчилсэн найруулгын төслийг  Улсын их хурлын хаврын чуулганы 5 дахь асуудалд хэлэлцүүлэхээр бэлтгэж байна.

Үүнтэй холбогдуулан Нийслэлийн Засаг даргын Тамгын газрын Хууль, эрх зүйн хэлтсээс дөрөвдүгээр сарын 9-18-ны хооронд нийслэлийн 9 дүүргийн Тамгын газар, харьяа байгууллагын алба хаагчид, 152 хорооны Засаг дарга, иргэдийн төлөөллийн дунд хуулийн төслийн шинэчилсэн найруулгын онцлог зохицуулалтын талаар хэлэлцүүлэг зохион байгууллаа. Тус хэлэлцүүлгээр өмнөх хуулийн төслөөс өөрчлөгдөж, шинэчлэгдсэн зохицуулалт, хуулийн үзэл санаа, баримтлал зэрэг олон талын мэдээллийг хүргэсэн. Хуулийн төслийн хэлэлцүүлэгт нийт 700 орчим иргэн оролцсон бөгөөд тэдний төлөөллийн санал хүсэлтийг сонслоо.

Танилцуулга, хэлэлцүүлэгт оролцогчид Нийслэлийн эрх зүйн байдлын тухай хуулийн шинэчилсэн найруулгын төслийг батлах нь зүйтэй. Батлах цаг нь болсон гэдэгт санал нэгдсэн бөгөөд анхан шатны нэгж хороо, дүүргийн эрх хэмжээ, статусыг бие даалгаж бодитойгоор нэмэгдүүлэх, албан хаагчдын цалинг нэмэгдүүлэх шаардлагатай гэдгийг онцолж, тус асуудалд санал нэгдэж байв гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ. 

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2018-04-19

Гадны улс оронд нийслэлийн хүн амын суурьшлыг нийслэлийн татвараар
зохицуулдаг юм билээ. Нийслэлд амьдардаг хүн нийслэлийн татвар төлдөг,
нийслэлийн бараа үйлчилгээ үнэтэй гэх мэт.

Avatar

Үнээн 2018-04-19 202.170.72.3

Манайд эсрэгээрээ. Японыг тод санаж байна. Токиогоос 200 хүрэхгүй км холдоод худалдан авалт хийхэд үнийн илт зөрүү гардаг. 1200 иен байсан юм 800 иен болчихдог жишээний. Тиймдээ ч нийт улс даяараа хүн ам нь жигд тархан суурьшдаг. Бензин шатахуун ч адил. Татвар төлөгдийн мөнгөөр байнга гадагшаа бөөнөөрөө явдаг манай махан толгойтнууд энд тэндээс өр зээл гуйж царай алдаж явахынхаа хажуугаар бусдын тийм жишгийг хардаггүй юм уу, харсан ч тоодоггүй юм уу. Хөгжих тусам төвөөс зугатах хандлагатай байхад манайд эсрэгээр нь төв рүү чихэх бодлоготой, хотын А зэрэглэлийн газар ч гэх шиг, бүгдийг нь орон сууц хэмээх нийтийн боловсон общакт өндөр үнээр оруулна. Гадныхан бол байрыг апартмент гээд нэг их тоохгүй. Хэзээ хөгжих гээд байгаан. Улс орныг үндсэндээ дарга нар биш зах зээлийнх нь харилцаа л хар зөн, инерцээрээ жаахан урагшлуулж байна даа.

Avatar

Зочин 2018-04-19 202.179.24.179

Өнөөдөр Циркээс буцаж яваад Их дэлгүүрийн ур талын байрны цирк талын 1 давхарыг хуу нурааасан бхыг харлаа… Энэ чинь одоо юу болоод байгаан бэ? Хотын Мэр нөгөө удирдлагууд хот дотор чинь иргэдийн чинь орон байрыг хуу нурааж байхад одоо юу хийгээд суудаг ямар хачин хүмүүс вэ? Үгүй одоо бүүр гайхаад энэ Монгол улсад чинь гадны [Хориотой Үг] нар орогноод дураараа дургиж дунд чөмгөөрөө жиргэж байгаан биш үү? Хэн хариуцдаг ажил юм бэ?? Барагтайд дуугай байдаг би шоконд орчихлоо.. Тэр Туул голын бургасуудыг хуу түрээд та нар энэ улсад амьдрахгүй гадаад руу гараад явцгаах байх…. эмээ өвөө нарын чинь алтан чандар энэ Монгол улсад үлдсэн гэдгийг санаж яв…Хийсэн муу үйл бүхэн заавал хариутай гэдгийг тоохгүй явж болохгүй дээ. Өнөө болж байвч маргааш үгүй юмаа. Энэ бол амьдралын хатуу үнэн.

Avatar

Зочин 2018-04-19 202.21.106.146

Монгол улсын нийслэлээр Хархорин эсвэл Дархан эсвэл Зуунмод эсвэл Ховд хотыг зарлая. УБ хахаж үхлээ. УБ зүгээр Төв аймгийн төв хот болог.

NewsMN Гар утасны хувилбар Татах
NEWS.mn

Мэдээллийн эх сурвалж