Түймрийн голомтод 168 хүн ажиллаж байна | News.MN

Түймрийн голомтод 168 хүн ажиллаж байна

Хуучирсан мэдээ: 2018.04.18-нд нийтлэгдсэн

Түймрийн голомтод 168 хүн ажиллаж байна

Түймрийн голомтод 168 хүн ажиллаж байна

Хөвсгөл аймгийн Эрдэнэбулган суманд гарсан түймрийн нөхцөл байдал хүндэрч магадгүй байгаатай холбогдуулан Онцгой байдлын ерөнхий газрын дэд дарга, хурандаа Б.Ууганбаяр, Гамшгийн шуурхай удирдлага, зарлан мэдээллийн төвийн дарга, хурандаа Д.Баярбаатар, ГТТГ-ын Ой, хээрийн түймэртэй тэмцэх асуудал хариуцсан мэргэжилтэн, хошууч С.Галтзул нар тус аймгийн Онцгой байдлын газрын дарга, хурандаа Ё.Пүрэвсүрэн, аймгийн Засаг даргын орлогч Т.Баттогтох, Ойн албаны дарга А.Батболд нартай цахим хурал зохион байгууллаа.

Цахим хурлаар түймрийн голомт дахь нөхцөл байдлыг тодруулж, тодорхой үүрэг чиглэл өглөө.

Тухайлбал, Хөвсгөл аймгийн Онцгой байдлын газрын дарга, хурандаа Ё.Пүрэвсүрэн, аймгийн Засаг даргын орлогч Т.Баттогтох нарыг түймрийн голомтод биечлэн очиж удирдлага, зохион байгуулалтаар хангах, сумдын Засаг дарга нартай хамтран орон нутгийн дайчилгаа зохион байгуулан, хүн хүч нэмж гаргах, Булган, Орхоноос аймгийн Онцгой байдлын байгууллагаас нэмэлтээр гарч байгаа алба хаагчдыг нөхцөл байдлаа үнэлэн хуваарилах, түймрийг цурманд оруулах, цурманд орсон түймрийг цурамнаас алдагдуулахгүй барих арга хэмжээг зохион байгуулах үүргийг өгөв. Өгөгдсөн үүргийн биелэлтийг түймрийн голомт дээрээс эргэн мэдээлэх, мэдээ мэдээллийг цаг алдалгүй дамжуулж ажиллахыг даалгалаа.

2018 оны 04 дүгээр сарын 18-ний өдрийн 11:00 цагийн байдлаар түймрийн голомтод Онцгой байдлын байгууллага болон орон нутгаас нийт 168 хүн, 10 автомашин, 8 мотоцикль, 61 морьтойгоор ажиллаж байна.

Түүнчлэн Булган, Орхон аймгийн Онцгой байдлын газруудаас нэмэлтээр 27 хүнтэй хоёр бүлэг гарган түймрийн голомт руу хөдөлгөөд байна гэж Онцгой байдлын ерөнхий газраас мэдээллээ.

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-04-18 103.57.95.113

Негее хандив егеед байсан юу болсын болоо. Манай байгууллага лав 1 едрийн цалингаа егсен

NewsMN Гар утасны хувилбар Татах
NEWS.mn

Мэдээллийн эх сурвалж