Туркийн Стамбул хотноо ирэх сарын дундуур болох чөлөөт бөхийн насанд хүрэгчдийн дэлхийн аварга шалгаруулах тэмцээнд оролцохоор бэлтгэлээ базааж буй Монголын баг тамирчид “Найрамдал” зусланд сэргэлтийн бэлтгэл хангаад саяхан нийслэлд ирсэн билээ. Есдүгээр сарын 12-нд эхлэх чөлөөт бөхийн дэлхийн аваргад зодоглох Монголын баг тамирчдын бүрэлдэхүүн эцсийн байдлаар тодроогүй байгаа. Ямартай ч бөхчүүд бэлтгэлээ хангаж байгаа бөгөөд ирэх долоо хоногоос Туркийг зорих Монголын баг тамирчдын бүрэлдэхүүн тодорхой юм.

Харин ОХУ-ын баг энэ долоо хоногийн эхээр ДАШТ-д оролцох бүрэлдэхүүнээ зарлаж, Лебедев, Кудухов, Махов нарын шилдгүүдээ илгээхээ мэдэгдсэн бол АНУ-ын баг тамирчдын бүрэлдэхүүн мөн эцсийн байдлаар тодорчээ. Тус багийн бүрэлдэхүүнийг танилцуулъя.

Эрэгтэй 55 кг: Ник Симмонс
Эрэгтэй 60 кг: Рис Хамфри
Эрэгтэй 66 кг: Тион Варе
Эрэгтэй 74 кг: Жордан Бурроу
Эрэгтэй 84 кг: Каэль Сандерсон /2004 олимпийн аварга/
Эрэгтэй 96 кг: Жейк Уорнер
Эрэгтэй 120 кг: Тервел Длагнев /2009 оны дэлхийн аваргын хүрэл медальт/

Эмэгтэй 48 кг: Кларисса Чун /2008 оны дэлхийн аварга/
Эмэгтэй 51 кг: Уитни Кондер
Эмэгтэй 55 кг: Хелен Марулис /2011 оны залуучуудын ДАШТ-ий мөнгөн медальт/
Эмэгтэй 59 кг: Келси Кемпбэлл
Эмэгтэй 63 кг: Елена Пирожкова /2010 оны дэлхийн аваргын мөнгөн медальт/
Эмэгтэй 67 кг: Аделина Грей /2011 оны залуучуудын ДАШТ-ий мөнгөн медальт/
Эмэгтэй 72 кг: Али Бернар